23, డిసెంబర్ 2016, శుక్రవారం

భాగ్యలక్ష్మి మళ్లీ పుట్టింది

‘‘మీ మెగాస్టార్ 150 సినిమాలో అమ్మడు కుమ్ముడు పాట నీకంత నచ్చిందా? ఎగిరిగంతేస్తున్నావ్’’
‘‘ అన్నగారు మూడు దశాబ్దాల క్రితమే ఆరు దశాబ్దాల వయసులో ఆకు మాటు పిందె తడిచే, ఆరేసుకోబోయి పారేసుకున్నావు అంటూ ఎప్పుడో కుమ్మేశాడు. ఇదేం కొత్త కాదు. చిన్ననాటి నా ప్రేమ, నాకల, నా సిద్ధాంతం ఈ దేశానికి ఇప్పుడు నచ్చడంతో ఈ సంతోషం. ’’
‘‘ఏమా సిద్ధాంతం?’’
‘‘చిన్నప్పుడు నిద్రలో భాగ్యలక్ష్మి ... భాగ్యలక్ష్మి అని కలవరించేవాన్ని’’
‘‘ఏంటీ తమరికి చిన్నప్పటి నుంచే లవ్ స్టోరీలు ఉన్నాయా? ’’
‘‘టీవి చర్చల్లో మీరు చెప్పదలుచుకున్నది ఇదే కదా? అని పక్కోడు చెప్పినట్టు- నువ్వోటి . నేను కలవరించిన భాగ్యలక్ష్మి క్లాస్‌మేట్ కాదు అంతకన్నా ఎక్కువ నా జీవిత భాగస్వామి.’’


‘‘ప్రేమించి పెళ్లి చేసుకున్నావా?’’
‘‘జీవిత భాగస్వామి అంటే భార్య అనేనా? మన జీవితాన్ని వీడి ఉండలేనివన్నీ మన జీవిత భాగస్వాములే. దేవదాసుకు సీసా, రైటర్‌కు కలం, గాయకుడికి గానం, సన్నీ లియోన్‌కు ఆ... సినిమాలు, నటులకు మేకప్ అన్నీ జీవిత భాగస్వాములే. ’’
‘‘నాయకుల సంగతి వదిలేశావ్’’
‘‘నాయకులకు ఒకరు కాదు ఇద్దరు ముగ్గురు జీవిత భాగస్వాములు- చస్తే నిజం చెప్పక పోవడం, అవినీతి వారి జీవిత భాగస్వాములే. భాగ్యలక్ష్మి భార్య, ప్రేయసినే కాదు. అంత కన్నా ఎక్కువ.’’
‘‘అంతేలే కట్టుకున్న వారి కన్నా కలలు ప్రేయసినే ఎక్కువ .. నీ మేయిల్, ఇంటర్‌నెట్ బ్యాంకింగ్ పాస్‌వర్డ్ భాగ్యలక్ష్మి కదూ’’
‘‘ ఆ తెలివి తేటలే వద్దు. చిన్నప్పటి ప్రేయసి పేరే చాలా మంది పాస్‌వర్డ్ అనేది సర్వేలో తేలి ఉండొచ్చు ..’’
‘‘ఊరించకు ఎవరా భాగ్యలక్ష్మి ? ఇప్పుడుందా లేదా? ఉంటే ఎక్కడుంది? లేకపోతే ఏమైంది?’’


‘‘అకారణంగా గొంతు నులిపి నా భాగ్యలక్ష్మిని చంపేశారు. చేసిన పాపం ఊరికే పోదు. మళ్లీ ఇప్పుడు భాగ్యలక్ష్మినే నమ్ముకున్నారు.’’
‘‘ శ్రీమతి భాగ్యలక్ష్మిగా మారి ఉంటుందనుకున్నా, కీ.శే.్భగ్యలక్ష్మి అవుతుందని అనుకోలేదు. రియల్లీ సారీ. అసలెలా జరిగింది? ’’
‘‘చిన్నప్పటి నుంచి నేను భాగ్యలక్ష్మిని ఎంత ప్రేమించానో మా నాన్న అంతగా ద్వేషించాడు. ఈ చదువులు నాకొద్దూ అన్నా... నేను ప్రేమించాను అన్నా ఏమీ అనేవాళ్లు కాదు. కానీ భాగ్యలక్ష్మి పేరు ఎత్తితే చాలు వీపు విమానం మోత మ్రోగించేవాళ్లు. పచ్చబొట్టును చెరిపేయగలరేమో కానీ మనసులో ముద్రించుకున్న రూపాన్ని చెరిపేయలేరు కదా? భాగ్యలక్ష్మి ముద్ర నా గుండెల్లో శాశ్వతంగా ఉండిపోయింది.’’
‘‘ఆ భాగ్యలక్ష్మి సంగతి సరే. ఇంతకూ ఏదో సిద్ధాంతాన్ని కనిపెట్టాను. అది నిజమైంది అని అరుస్తున్నావ్ కదా? ముందా విషయం చెప్పు ’’
‘‘ అక్కడికే వస్తున్నాను. ఇంత కాలం నా గుండెల్లో నిద్ర పోయినా సిద్ధాంతానికి ప్రధానమంత్రి ప్రాణం పోశారు. దేశం మొత్తాం నా సిద్ధాంతాన్ని నమ్ముతోంది. అనివార్యంగా ఆచరిస్తోంది. ’’
‘‘సిగ్గులేక పోతే సరి మోదీ పెళ్లయిన బ్రహ్మచారి, నీ ప్రేమ సిద్ధాంతానికి ప్రాణం పోశాడా? ఏం మాట్లాడుతున్నావ్’’
‘‘భాగ్యలక్ష్మి  అంటే ఇంతకూ నువ్వేమనుకుంటున్నావ్. లాటరీ రా బాబు. నా చిన్నప్పుడు భాగ్యలక్ష్మి  బంపర్ లాటరీ ఒక ఊపు ఊపింది. ఈ లాటరీ ని ప్రభుత్వమే నిర్వహించేది .  నిజంగా లాటరీ తగిలి లక్ష రూపాయలు వచ్చినా ఏం చేసుకోవాలో తెలియని వయసు కానీ లాటరీ కొన్నప్పటి నుంచి డ్రా తీసేంత వరకు భాగ్యలక్ష్మి నన్ను కలల్లో విహరింపజేసేది. ఎవరన్నా ఆప్యాయంగా పలకరించినా నాకొచ్చే లాటరీ డబ్బు కోసం కాకా పడుతున్నారనుకునే వాణ్ణి. నా భాగ్యలక్ష్మి గొంతు నులిమేశారు. ఆ షాక్ నుంచి నేను తేరుకో లేదు. కొద్దిగా వయసు పెరిగాక సింగిల్ నంబర్ లాటరీలు వచ్చాయి.’’


‘‘ఆటో రిక్షా డ్రైవర్లు, పేదలు సింగిల్ నంబర్ లాటరీల్లో నిండా మునిగిపోయి అప్పుల్లోంచి తేరుకోలేక ఆత్మహత్యలు చేసుకున్నారని వార్తలు వచ్చేవి అవేనా? ’’
‘‘పాజిటివ్‌గా ఆలోచించడం రాదా? నీకు. ఓ వంద మంది ఆత్మహత్యలు చేసుకుంటే అదే చెబుతావు కానీ సింగిల్ నంబర్‌లు కోట్లాది మందిని ఆశల్లో ముంచెత్తేవి అవి గుర్తు లేవా? ఈ విశ్వంలో లాటరీని మించిన సిద్ధాంతం లేదు. భూమి సూర్యుడి చుట్టు తిరిగితే, భూమిపై ఉన్న వాళ్లు లాటరీ చుట్టూ తిరుగుతారనే సిద్ధాంతాన్ని నేను చిన్నప్పుడే కనిపెట్టాను. మా అయ్య తంతాడని నా సిద్ధాంతాన్ని ప్రపంచానికి చెప్పలేదు. మోదీ ఇచ్చిన ధైర్యంతో ఇప్పుడు గట్టిగా అరిచి చెప్పాలనిపిస్తోంది. ’’


‘‘దీన్ని వ్యసనం అంటారు కానీ సిద్ధాంతం అంటారా? ఐనా మోదీకేం సంబంధం? ’’
‘‘మనిషన్నాక కాస్త పాజిటివ్‌గా ఆలోచించడం నేర్చుకోవాలి. నగదు రహిత లావాదేవీలు పెరగాలంటే కరెన్సీ రద్దు చేయడమే మార్గం అని కనిపెట్టారు. డబ్బుతో మనం ఏం చేసినా లాటరీ తగులుతుంది. కొన్ని వందల కోట్లు ఈ లాటరీలకు ప్రభుత్వం కేటాయించింది. ఇప్పటి వరకు నెల కాగానే ఓనర్‌కు అద్దె ఇవ్వాలి, కరెంటు బిల్లు కట్టాలి, పన్ను కట్టాలి అంటూ అమ్మో ఒకటో తారీఖు అని భయపెట్టేది. మరిప్పుడు ఏ బిల్లులో ఏ లాటరీ ఉందో అని రోజూ లాటరీ డ్రా చూసుకుంటూ గడపడం అంటే ఆ మజానే వేరు. పాపం పాతిక శాతం చైనా వాడి పెట్టుబడి ఉన్నా పేటిఎం వాడు కూడా కోటి లాటరీ ప్రకటించాడు. సిక్కిం అనే ఒక చిన్న రాష్ట్రం భారీ లాటరీలు నిర్వహించి దేశంలోని కోట్లాది మందిని ఆశల్లో విహరింపజేసింది. లాటరీకి ఉన్న పవర్ అది. జీవితమే లాటరీ. చదువు ముగిశాక ఉద్యోగం వస్తుందా? రాదా? ఐదేళ్ల కోసం మనం ఎన్నుకున్న ప్రభుత్వం బాగుంటుందా? లేదా? పెళ్లవుతుందా? కాపురం సరిగా ఉంటుందా? అన్నీ లాటరీనే కదా? బాగుంటే లాటరీ తగిలినట్టు లేదంటే తగలనట్టు అంతే. ఈ లాటరీ తగలక పోతే మరో లాటరీ కొంటాం .. అచ్చం ఈ ప్రభుత్వం బాగా లేదని 5 ఏళ్ళు అయ్యాక మరో ప్రభుత్వం ఎన్నుకొంటాం ఇదీ అంతే . .లాటరీకి డబ్బులిచ్చి కొనాలి . ఓటుకు వాళ్ళే  డబ్బులిచ్చి కొంటారు అంతే 
కోరికలే దుఃఖానికి మూలం అని గౌతమ బుద్ధుడికి కలిగిన జ్ఞానోదయం. లాటరీలు మినహా కోట్లాది మంది ప్రజలను మరేదీ సంతోషపెట్టలేదు అని మోడీ ప్రభుత్వం గ్రహించిన జ్ఞానం. బుద్ధిని జ్ఞానోదయం కన్నా మోడీ లాటరీ జ్జ్ఞానం శాశ్వతం .   ప్రయోజనకరమైనది. ఇద్దరి భార్యల పేర్లు ఒకటే... ఇద్దరి పోలికలను ఊరకనే ప్రచారం చేయలేదు. నీకు లక్ష రూపాయల జీతం వచ్చినా, రెండో రోజు నుంచే దిగులు. లాటరీ అయితే డ్రా తీసేంత వరకూ సంతోషమే. అలాంటి శాశ్వత సంతోషం ప్రభుత్వమే ప్రసాదిస్తుంటే?’’


‘‘ఐతే ఈనెల జీతం లాటరీ టికెట్లు ఇస్తే తీసుకుంటావా?’’
‘‘మళ్లీ కలుద్దాం ఈ‘ కాలం ’సైజు ఇంతే.’’

-జనాంతికం - బుద్దా మురళి(23. 12. 2016)

16, డిసెంబర్ 2016, శుక్రవారం

రాకుమారి- తోటరాముడు- అమరావతి

‘తెలుగు సినిమా ప్రేమికుడిగా సంతోషంతో కూడిన గర్వంతో ఉన్నాను. ప్రపంచంలో ఎవ్వరూ చేయలేని పనిని తెలుగు సినిమాలో హీరో ఒంటరిగా చేస్తే అంతా నవ్వేవాళ్లు. అదే ఇప్పుడు నిజమవుతోంది. అందుకే గర్వంగా ఉంది.’’


‘‘ఏ హీరో? ఏం సాధించాడు?? అది చెప్పు’’
‘‘ఎపిలో రాజధాని నగరాన్ని నిర్మించేందుకు రెండువందల దేశాలు పోటీ పడుతున్నాయని చంద్రబాబు చెప్పారు కదా? చివరికి ఏమైంది..? జపాన్ మాకీ, చైనా బాప్‌కీ, సింగపూర్ బహేన్‌కీ కంపెనీలు అన్నీ అయిపోయాక చివరకు ...’’
‘‘ఉండుండు.. అసలు ప్రపంచంలో ఉన్న దేశాలే 196. నువ్వేమో రెండు వందల దేశాలు పోటీ పడ్డాయి అంటున్నావు’’
‘‘పాలకులు చెప్పిన దాని కన్నా నీకు గూగుల్ పైనే నమ్మకమా? సినిమాలో రాజకుమారి స్వయం వరం సీన్ ఒక్కసారి గుర్తు చేసుకో! అతల, కుతల, పాతల దేశాల నుంచి రాకుమారులు వచ్చారని చెబుతారు. గూగుల్‌లో ఈ పేరు ఒక్కటన్నా కనిపిస్తుందా? మరి సినిమాలో చూపించింది అబద్ధమా?’’
‘‘ఏదో సందేహం వచ్చి అడిగాను...’’


‘‘కొత్త రాజధాని నిర్మాణం కోసం రెండువందల దేశాలు పోటీ పడితే చివరకు ఆ భాగ్యం దక్కింది ఎవరికో తెలుసా? తెలుగు సినిమా దర్శకుడు రాజవౌళికి. సినిమా ప్రేక్షకుడిగా ఇంతకు మించిన ఆనందం ఏముంటుంది? ’’
‘‘రాజకుమారి ప్రేమకోసం దేశదేశాల రాజకుమారులు పరితపిస్తుంటే, రాజకుమారి తోట రాముడి ప్రేమలో పడ్డట్టు- రాజధాని నిర్మాణం కోసం రెండువందల దేశాలు పోటీ పడితే రాజుగారు రాజవౌళిని ఎంపిక చేశారన్నమాట!’’
‘‘ ఈగను హీరోను చేసిన రాజవౌళి రానాను విలన్‌ను చేశాడు. బాహుబలి సినిమా చూడకపోతే దేశద్రోహి అన్నట్టుగా ప్రచారం చేశారు. ఆ ప్రచారాన్ని ఇప్పుడు బిజెపి వాళ్లు కాపీ కొట్టి కరెన్సీ రద్దుని వ్యతిరేకిస్తే దేశద్రోహి అంటున్నారు. దేశాన్ని పాలించే వాళ్లే ఇలా అనుసరిస్తుంటే, సామంతరాజు రాజధాని నిర్మాణానికి రాజవౌళిని నమ్ముకుంటే తప్పా? ’’
‘‘తప్పు అనడానికి నేనెవరిని? ఏప్రిల్ వరకూ రాజవౌళి బిజీనట! ఆయన భారీ సినిమా అంటే కనీసం రెండేళ్లు పడుతుంది. ఏప్రిల్ నాటికి ఎన్నికలకు ఇంకా రెండేళ్ల సమయం ఉంటుంది? ఈ సమయం రాజవౌళి భారీ సెట్టింగ్‌కు బాగా సరిపోతుంది.’’
‘‘ప్రముఖ కాంట్రాక్టు కంపెనీలకు పెద్ద పెద్ద నిర్మాణాల బాధ్యతలు అప్పగించడం ఆనవాయితీ. ఈ సాంప్రదాయాలను పట్టుకుని ఎన్నాళ్లు వేలాడుతారు? కాస్త మారండి.. ఎన్నో సినిమాల్లో అద్భుతమైన నటన ప్రదర్శించి, పేదప్రజలను కన్నబిడ్డాల్లా చూసుకున్నారనే కదా? ఎన్టీఆర్‌ను ముఖ్యమంత్రిని చేసింది. అందుకే భారీ సినిమా సెట్టింగ్ అనుభవం ఉన్న రాజవౌళికి రాజధాని బాధ్యతలు.. ’’


‘‘ప్రత్యేక హోదాకు మొండిచేయి. కేంద్రం నుంచి కొత్తగా వచ్చే నిధులు కనిపించడం లేదు. ఇలాంటి సమయంలో సెట్టింగ్‌లను నమ్ముకోక ఒరిజినల్ భవంతులు ఎలాగూ సాధ్యం కాదు. కేంద్రంపై ఒత్తిడి తేవడానికి చక్రం తిప్పే కాలం కూడా కాదు’’
‘‘పాజిటివ్‌గా ఆలోచించలేవా? ఆలోచన విశాలంగా ఉండాలి. డబ్బుదేముంది..? కుక్కను కొడితే డబ్బులు రాలుతాయి. పాత పరుపుల కింద ఖజానాలు బయటపడుతున్నాయి. బాత్రూమ్ గోడలు కూల్చితేనే వందలకొద్దీ కొత్త కరెన్సీ కట్టలు వచ్చి పడుతున్నాయి. నోట్ల రద్దుతో నాలుగైదు లక్షల కరెన్సీ బడాబాబుల ఇళ్లలోనే ఉండిపోతుందని కేంద్రం కోర్టుకు కూడా చెప్పింది. ఆ డబ్బుల్లో భారీ వాటా దక్క కుండా ఎక్కడికి పోతుంది? వెంకయ్య నాయుడు మోదీ పక్కనే ఉంటున్నారు. అవసరం అయినప్పుడు మనకు కావలసింది తేకుండా ఉంటాడా?’’


‘‘కుక్కను కాదు.. ఎటిఎంను పగులగొట్టినా నోట్లు రాలడం లేదు. ఇంకెక్కడి నల్లధనం? చెప్పుకుంటే సిగ్గు చేటు.. చెలామణిలో ఉందని ఆర్‌బిఐ భావించిన కరెన్సీ కన్నా ఇప్పుడు బ్యాంకుల్లో వచ్చి చేరిన కరెన్సీ ఎక్కువగా ఉందట! ’’
‘‘చూడోయ్.. అన్నింటికీ డబ్బేనా? వందకోట్లు ఖర్చు చేసినా ఒక్క రోజు ఆయుష్షు కూడా కొనలేవు తెలుసా? ’’
‘‘ పాతిక రూపాయలు పెట్టి మంచి పుస్తకం కొంటే ఇలాంటి రెండున్నర వేల సూక్తులు దొరుకుతాయి. వందకోట్లు అక్కర లేదు. ఓ లక్ష ఇచ్చి నా జీవితంలో ఒక రోజు తీసేసుకో!’’
‘‘ఎవరూ చేయని విధంగా మోదీ కరెన్సీని రద్దు చేశాడు. దానికి స్వాగతించకుండా విమర్శిస్తున్నావు? అసలు డబ్బు అవసరం దేనికి చెప్పు’’


‘‘మనం ఇప్పుడు తాగిన టీకి డబ్బులివ్వాలి కదా? ’’
‘‘టీ తాగడం ఆరోగ్యానికి హానికరం, ఒక్కో సిగరెట్ ఆరు నిమిషాల ఆయుష్షును హరిస్తుంది! మానేయ్.. ఆరోగ్యానికి మంచిది.’’
‘‘ఇంటికి వెళ్లాలంటే బస్సుకు..?’’
‘‘హాయిగా నడుచుకుంటూ వెళ్లు . ఐదు కిలోమీటర్లు నడవ లేవా? చదువుకునే రోజుల్లో ఆరు కిలోమీటర్ల దూరం వెళ్లి వచ్చేవాడివి.. ఆ రోజులు మరిచిపోయావా? ’’
‘‘కాఫీ..’’
‘‘కాఫీలో కెఫెన్ ఉంటుంది. వదిలేయ్’’
‘‘ఆదివారం కోడికూర..’’
‘‘జీవించే హక్కు నీకెలా ఉందో? ఆ జీవికి కూడా ఉంది? దాన్ని చంపి తినడానికి నీకు మనసెలా వస్తుంది? ’’
‘‘పోనీ.. ఉడిపి హోటల్‌లో టిఫిన్’’
‘‘ఇంట్లో భార్యాపిల్లలతో కలిసి తినడంలో ఉన్న ఆనందం ఎవరో హోటల్‌లో చేసే తిండిలో ఉంటుందా? చెప్పు’’
‘‘బంగారం..’’
‘‘మానసికంగా పరిణతి సాధిస్తే ఇనుము ఐనా బంగారం అయినా ఒకటే అనే స్థాయికి చేరుకుంటావు. ఆ దశ కోసం ప్రయత్నించు’’
‘‘నావల్ల కాదు. ఊరేసుకుని చస్తా. ఉరితాడు కోసం డబ్బులు..’’
‘‘ రైలుపట్టాలపై తల పెట్టు’’


‘‘మరి.. ఎటిఎం క్యూలో చనిపోయిన వారి సంగతి?’’
‘‘శ్రీకృష్ణుడు భగవద్గీతలో అర్జునుడికి ఏం చెప్పాడు? ‘అర్జునా యుద్ధం చేయ్.. విజయం సాధిస్తే రాజ్యం,ప్రాణం పోతే స్వర్గం లభిస్తుంది’ అన్నాడు కదా? మోదీ ప్రకటించిన యుద్ధంలో విజయం సాధిస్తే రెండువేల నోటు దక్కుతుంది లేదంటే స్వర్గం- ఎటిఎంల క్యూలో పోయిన వారికి మోక్షం లభించి పుణ్యలోకాలకు వెళ్లినట్టు’’
‘‘ ఈరోజుల్లో ఆరెంజ్ ఆక్సిజన్ పేరుతో గాలిని కూడా అమ్మకానికి పెట్టారు’’
‘‘ఎందుకోయ్.. అడవులకు వెళితే స్వచ్ఛమైన గాలి ఉచితంగానే దొరుకుతుంది. ఆకులు అలములు తింటూ హాయిగా బతికేయవచ్చు. కరెన్సీ పుట్టింది తుగ్లక్ కాలంలో.. అంతకుముందు కొన్ని వేల సంవత్సరాల పాటు మన వాళ్లు కరెన్సీ లేకుండా బతక లేదా? 50 రోజులకే ఇలా హాహాకారాలు చేస్తున్నారు. ’’


‘‘మంచి ఐడియా.. అడవులకు వెళ్లి కరెన్సీ లేకుండా బతికేద్దాం’’
‘‘నువ్వు వెళ్లు.. నేను రాను! సలహాలు ఇచ్చేది ఆచరించడానికి కాదు.’’
*-బుద్దా మురళి (జనాంతికం 16-12-2016)-

9, డిసెంబర్ 2016, శుక్రవారం

భలే మొనగాడు

‘‘అంతగా నవ్వొచ్చిన విషయం ఏంటో..? నీలో నువ్వే నవ్వుకుంటున్నావు. మాకు చెబితే మేమూ నవ్వుతాం..’’
‘‘అవినీతి తాట తీస్తా- ఇక అంతా ఆన్‌లైన్‌లోనే.. అని ప్రధానమంత్రి చెబుతున్నారు’’
‘‘దీనిలో నవ్వడానికేముంది..? 70 ఏళ్ల తరువాత దేశాన్ని ఒక మొనగాడు పాలిస్తున్నాడు. దానికి సంతోషపడాలి’’
‘‘అదేంటి వాజపేయిని, మోదీ రెండున్నరేళ్ల పాలనా కాలం కూడా కాంగ్రెస్‌లోనే కలిపేశావా? 70 ఏళ్ల లెక్క ఏంటి? ’’
‘‘ఏదో ఎమోషన్‌లో అలా అనేస్తాం. ప్రతి ఏడాదికి లెక్క చెప్పాలా? ’’
‘‘నువ్వు ఏ ఉద్దేశంతో అన్నా మోదీ మొనగాడే.’’
‘‘ఇప్పటికైనా ఒప్పుకున్నావ్.. థ్యాంక్స్’’
‘‘ఎనిమిది శాతం వృద్ధి రేటుతో దూసుకెళ్తున్న దేశాన్ని ఒంటి చేత్తో వెనక్కి లాగి, వంద కోట్ల మందిని ఎటిఎం క్యూలో నిల్చోబెట్టడం అంటే మా టలా? ’’
‘‘మళ్లీ వెటకారం. దేశం బాగుపడుతుంటే ఇదో పెద్ద సమస్యనా?’’
‘‘ ఒకందుకు మోదీ నిజంగానే మొనగాడు. నెహ్రూ పాలనా కాలాన్ని మన తరం చూడలేదు. ఆ తరువాత వచ్చిన ప్రధానమంత్రులు, ముఖ్యమంత్రులూ అంతా జనాకర్షణ పథకాలతో జనం మనసు దోచారు. ఎన్ని గొప్ప పథకాలు ప్రారంభించినా జనం ఇంకా ఏదో కావాలి అని అడిగేవారు. ’’


‘‘అన్నగారు రెండు రూపాయలకు కిలో బియ్యం ఇస్తా అంటే గెలిపించారు, ఇచ్చాక ఓడించారు. కొత్తగా వచ్చిన వాళ్లు ఇంకా ఏదైనా ఇస్తారని..’’
‘‘అన్న, అమ్మ, అల్లుడు అనే కాదు.. అందరికీ ఇలానే జరిగింది. గరీబీ హటావో అంటూ ఇందిరమ్మ ప్రవేశపెట్టిన పథకాలు నేటికీ గుర్తుండి పోతాయి కదా? అలాంటి ఇందిరమ్మేనే ఓడించారు. ధరలు తగ్గించిన జనతా పార్టీని మట్టి కరిపించారు.’’
‘‘నిజమే- కానీ- టాపిక్ డైవర్ట్ చేస్తున్నావు. జనాకర్షణ పథకాలు-నేతల సంగతి సరే.. దీనితో మోదీకి, నోట్ల రద్దుకు సంబంధం ఏంటి? చెప్పు ముందు ’’
‘‘అక్కడికే వస్తున్నాను. ఇందిరమ్మ కాలం నుంచి ‘తమిళ అమ్మ’ కాలం వరకు ప్రభుత్వాలు ఎన్ని ఉచిత పథకాలు ప్రవేశపెట్టినా ఈ ప్రభుత్వం ఇంకేమైనా ఇస్తుందా? లేక వచ్చే ప్రభుత్వం ఇంత కన్నా గొప్ప ఉచితాలు ఇస్తుందా? అనే ఎదురు చూపులు ఉండేవి. ఒకే ఒక మొనగాడు వచ్చాడు.. దేశ చరిత్రలో ఇప్పటి వరకు ‘ప్రభుత్వం నుంచి ఇది కావాలి అని కాకుండా బ్యాంకులో మా డబ్బు మాకు ఇప్పించండి మహాప్రభో!’ అని కోట్లాది మంది ప్రజలు దీనంగా వేడుకునే పరిస్థితి కల్పించింది మాత్రం మోదీయే. అనుకూల వాదనలు, వ్యతిరేక వాదనలు అన్నీ దీని చుట్టే తిరుగుతున్నాయి. ఎక్కడ చూసినా-‘ఆ స్కీమ్ కావాలి, ఈ స్కీమ్ కావాలి. ఇంటికో ఉద్యోగం కావాలి, ఉండేందోకో ఇల్లు కావాలి..’ అంటూ అడగడాన్ని ఈ దేశం ఏడు దశాబ్దాల నుంచి చూస్తోంది. బ్యాంకులు, ఎటిఎంల నుంచి మా డబ్బు మేం తీసుకుంటాం. కనికరించండని ప్రజలు వేడుకోవడం తొలిసారిగా అనుభవమైంది. డబుల్ బెడ్‌రూమ్ ఇళ్ల గురించి కెసిఆర్‌ను, ఇంటికో ఉద్యోగం అని చంద్రబాబును, విదేశాల నుంచి తెచ్చి ఇస్తానన్న 15 లక్షల గురించి మోదీని అడిగేవారే లేరు. ‘ఎటిఎంల్లో నోట్లకట్టలు పెట్టించండి.. మా డబ్బును మమ్మల్ని విత్ డ్రా చేసుకోనివ్వండి’- అనే మాట తప్ప మరో డిమాండ్ వినిపించకుండా చేశారు. ఇంతటి మహత్తర మార్పు ముమ్మాటికీ మోదీ వల్లనే సాధ్యం అయింది.’’
‘‘నీ మెచ్చుకోలు లో ఏదో వ్యంగ్యం ఉంది . నీ పై నాకు నమ్మకం కలగడం లేదు’’
‘‘మంత్రుల మీద, ఎంపిల మీద ప్రధానమంత్రికి నమ్మకం లేదు. ఎమ్మెల్యేల మీద ముఖ్యమంత్రులకు నమ్మకం లేదు. ఈ దేశంలో ఎవరికీ ఎవరి మీద నమ్మకం లేదు. నువ్వు నన్ను నమ్మినా నమ్మక పోయినా నా అభిప్రాయం అంతే.’’
‘‘మహామహా మేధావులను పిచ్చివాళ్లు అనే అనుకున్నారు. ఏ సంస్కరణలకైనా మొదట హేళనలు తప్పలేదు’’
‘‘నువ్వు చెప్పింది అక్షర సత్యం. కానీ పిచ్చివాళ్లంతా మేధావులు కాదు. ప్రతి సంస్కరణా అద్భుతం అని మురిసిపోనవసరం లేదు.’’
‘‘నీ ఉద్దేశం? ’’


‘ప్రతి నేలకు ఓ స్వభావం ఉంటుంది. ఉష్ణమండలంలో ఆపిల్స్ పండించాలని ప్రయత్నిస్తే ఎలా? ’’
‘‘ప్రయోగం జరిపితేనే కదా? పండుతుందో లేదో తెలిసేది?’’
‘‘నిజమే! వరి పంట మొత్తం పీకి పారేసి ఆపిల్ విత్తనాలు నాటితే.. అటు ఆపిల్ పండక, ఇటు వరి పంట లేక జనం అన్నమో రామచంద్రా అని రోడ్డున పడతారు. ప్రయోగం ప్రయోగశాలలో చేయాలి, వంద కోట్ల మంది జీవితాలతో కాదు.. ’’
‘‘నేలకు ఓ స్వభావం ఉన్నట్టే దేశానికీ ఓ స్వభావం ఉంటుంది. ఆ విషయాన్ని వందేళ్ల క్రితమే టెక్నాలజీ లేని కాలంలోనే గాంధీజీ గుర్తించి స్వాతంత్య్రం కోసం సాయుధ పోరాటం చేయడం ఈ దేశ స్వభావం కాదని గుర్తించి అహింస అనే అయుధంతో స్వాతంత్య్ర పోరాటం చేశాడు. గాంధీ అలా చేయాల్సింది కాదు.. నెహ్రూ ఇలా చేయాల్సింది కాదు.. మా అప్పారావు అప్పుడు ఉండి ఉంటే కాశ్మీర్ సమస్యే తలెత్తేది కాదు.. అని మనం ఈ కాలం ఆలోచనలతో గొప్పగా చెప్పుకోవడం బాగానే ఉంది. కానీ ఆచరణకు వచ్చే సరికి- ఐదువందల నోట్లను సరిగా ప్రింట్ చేయలేక తిరిగి వెనక్కి తీసుకు వెళుతున్నారు. నోట్ల రద్దు పరిణామాలను ఊహించి ముందస్తు ఏర్పాటు చేయలేక చేతులెత్తేశారు. ఈ దేశ స్వభావాన్ని సరిగ్గా అర్థం చేసుకోవాలని చెబుతున్నా అంతే.


రాజధాని నగరంలో మరుగుదొడ్లు లేక అధికారులు బస్సెక్కి మరుగు దొడ్ల వేటకు వెళుతున్న పరిస్థితిలో పాలకుడు బుల్లెట్ ట్రైన్‌ల గురించి మాట్లాడితే ‘సిల్లీ’గా ఉంటుంది. అంతే కానీ- బుల్లెట్ ట్రైన్‌లను కోరుకోవడం తప్పనడం లేదు.’’
‘‘నల్లబడ్డ నీ ముఖం చూడగానే అర్థమైంది. నల్లడబ్బున్నవారికి అనుకూలంగా మాట్లాడుతున్నావ్’’
‘‘అమీర్ పేట నుంచి పంజాగుట్ట మీదుగా దిల్‌సుఖ్‌నగర్ బైక్ మీద వెళ్లి వస్తే నీకు నాకే కాదు. ఆ తెల్లవాడి ముఖం కూడా నల్లబడుతుంది. నల్లడబ్బుతో కాదు- హైదరాబాద్ కాలుష్యం జబ్బుతో’’
‘‘సంస్కరణలు అనివార్యం? ’’
‘‘పివి నరసింహారావు ఆర్థిక సంస్కరణలతో క్యూలు కనిపించకుండా చేస్తే మోదీ ఈ తరానికి భారీ క్యూలను పరిచయం చేశారు. ప్రచార ఆర్భాటం కోసం సంస్కరణలు కాదు. ప్రజలకు మరింత మెరుగైన పాలన అందించేందుకు సంస్కరణలు కావాలి’’
‘‘టాపిక్ మార్చు.. జయలలిత మరణంతో తమిళనాడు పరిస్థితి ఎలా ఉంటుందంటావ్..’’
‘‘నోట్ల రద్దు, తమిళనాడు భవిష్యత్తు.. ఏదైనా కాలమే చెబుతుంది. నేనైతే అమ్మ అంతిమయాత్రలో పన్నీర్ సెల్వంను చూస్తూ ఉండిపోయా. సిఎం పీఠాన్ని అధిష్టిస్తున్న సంతోషం, అమ్మ చనిపోయిందన్న బాధ అన్నీ కలగలిపి ఒకేసారి చూపించిన రాజకీయ మహానటుడు అతడిలో కనిపించాడు.’’
*
- బుద్దా మురళి(జనాంతికం 9 December 2016)

2, డిసెంబర్ 2016, శుక్రవారం

దేశ భక్తుడు - సబ్సిడీ - పెన్షన్

‘‘హలో... నేను బాగున్నా... అమెరికాలో నువ్వెలా ఉన్నావ్..? యూనివర్సిటీ నుంచి నేరుగా రూమ్‌కు వెళ్లు .. బయట ఎక్కువగా తిరగకు, దారిలో ‘ట్రంప్’ నిన్ను చూశాడనుకో.. ఇండియా నుంచి వచ్చావని తెలుసుకుని హైదరాబాద్‌కు తిరిగి పంపించేస్తాడు.. సరే మా సంగతికేం? మేం 30 రోజుల్లో తమిళం, నెలరోజుల్లో సినిమా డైరెక్షన్ అని అప్పుడెప్పుడో అంబాడిపూడి వారు పుస్తకాలు రాసినట్టు- ‘50 రోజుల్లో స్వర్గం’ అని ఆఫర్ ఇచ్చి జేబులో ఉన్నవి లాగేసుకున్నారు. మరో 26 రోజులు గడిస్తే స్వర్గానికి ఎగబాకుతామా? పాతాళంలో పడిపోతామో తేలుతుంది. ప్రస్తుతం త్రిశంకు స్వర్గంలో ఉన్నాం. సరే ఉంటాను జాగ్రత్త’’
‘‘మా బంధువుల అబ్బాయి.. వద్దురా అంటే భూతల స్వర్గం అంటూ అమెరికా వెళ్లాడు. ఆ దేశపు అధ్యక్ష ఎన్నికల్లో ట్రంప్ గెలిచాక- మా వాడిని వెనక్కి పంపించేస్తాడేమో అని భయం పట్టుకుంది. అదే రోజు నోట్ల రద్దుతో ఇండియా స్వర్గం కాబోతుందనే భ్రమలు పట్టుకున్నాయి. రెండూ నిజం కావురా!ట్రంప్‌కు వేరే పనులేమీ ఉండవా?’’
‘‘నీలో దేశభక్తి రోజురోజుకూ తగ్గిపోతుందోయ్! పాజిటివ్‌గా ఆలోచించలేవా?’’
‘‘సర్లే బాబాయ్.. ఇద్దరి మధ్య స్నేహం ఉండాలంటే ఇద్దరికీ నచ్చిన విషయాలు మాట్లాడుకోవడం మంచిది.. నీకో మంచికథ చెప్పాలా? ’’
‘‘చెప్పు’’
‘‘అర్ధరాత్రి అక్కడక్కడ మున్సిపల్ లైట్లు వెలుగుతున్నాయి. గల్లీల్లో చీకటి రాజ్యం ఏలుతోంది. జాతీయ రహదారిపై దూసుకువెళుతున్న లారీల శబ్దం దూరంగా వినిపిస్తోంది. చేయి చాచి డబ్బులు అడిగే పోలీసులు లేక పోవడం వల్ల అడ్డూఅదుపు లేకుండా లారీలు యమస్పీడ్‌గా వెళుతున్నాయి. చిమ్మచీకటి.. గడ్డకట్టే చలి.. నిర్మానుష్యంగా ఉన్న గల్లీలో నుండి చప్పుడు రాకుండా ఓ ఆగంతకుడు నడుచుకుంటూ వెళుతున్నాడు. మనిషో, దయ్యమో, స్ర్తినో, పురుషుడో, యువకుడో, వృద్ధుడో కూడా తెలియనంతగా నిండా ముసుగు. ముఖం ఏ మాత్రం కనిపించడం లేదు. తనను ఎవరైనా గమనిస్తున్నారా? వెంబడిస్తున్నారా? అని పదే పదే వెనక్కి తిరిగి చూసుకుంటున్నాడు. ఊరకుక్కలు కూడా గాఢనిద్రలో ఉన్నాయి. వీధిమలుపు తిరిగి రోడ్డు మీదకు రాగానే అక్కడ కనిపించిన దృశ్యాన్ని చూసి నివ్వెరపోయాడు.’’


‘ఆగాగు.. రాంగోపాల్ వర్మ రేంజ్‌లో దయ్యం కథ చెబుతున్నానని నువ్వు అనుకుంటున్నావేమో కానీ పప్పులో కాలేశావు’’
‘‘ఎలా?’’
‘‘లారీల ముందు చేతులు చాచని పోలీసులున్న జాతీయ రహదారులు ఎక్కడైనా ఉంటాయా? కామెడీ కాకపోతే.. ’’
‘‘ఓహో అలా వచ్చావా? కాసేపు ఆగితే నేనే చెప్పేవాడిని కదా? భయపెట్టే వర్మ దయ్యాల కథ కాదు, ‘విఠలాచార్య మార్కు’ నవ్వించే భూతాల కథ అంతకన్నా కాదు. జీవితంలో ఒక రాత్రి జరిగిన సంఘటన. రోడ్డు మలుపు వద్ద ఎటిఎంలో డబ్బులు పెట్టారని తెలిసి, ఎవరికీ తెలియకుండా రహస్యంగా వెళదామని వెళ్లే సరికి అప్పటికే అక్కడ పెద్ద క్యూ ఉండడం, కాలనీ వాళ్లంతా అక్కడే ఉండడం చూసి మనవాడు నివ్వెర పోయాడన్నమాట. చిల్లర నోట్లు లేవుకదా.. అందుకే పోలీసులు చేయి చాచడం లేదు.’’
‘‘దేశమంటే కాసింత భక్తి ఉండాలి. నన్ను చూడు సెంట్రల్ గవర్నమెంట్ ఉద్యోగిగా ఈ వయసులో కూడా దేశభక్తిని చాటుకోవడానికి ఇష్టపడతాను. మార్నింగ్ వాక్‌లో దేశం కోసం ఎంతో మాట్లాడుకుంటాం. ‘గ్యాస్ సబ్సిడీ’ వదులుకోవాలని మోదీ ఇచ్చిన పిలుపునకు స్పందించి, దాన్ని వెంటనే వదులుకున్నాను. నీలోనూ ఇలాంటి దేశభక్తి ఉంటుందని అనుకున్నా కానీ.. ఈ కాలం పిల్లల్లో అది కనిపించడం లేదు. ఆ రోజులే వేరు ’’
‘‘నిజమే బాబాయ్.. ఆ రోజులే వేరు. మహాత్మాగాంధీ పిలుపు ఇస్తే చాలు.. ఉద్యోగాలను వదిలి స్వాతంత్య్ర పోరాటంలో దూకేవారు. బ్రిటీష్ వాడి లాఠీలకు,తూటాలకు ఎదురొడ్డారు. ఉరితాళ్లను కూడా పూల మాలలుగా ధరించే వారు. అంతగా కష్టపడితే కానీ ‘దేశభక్తుడు’ అనే వారు కాదు.. ఇప్పుడు అన్నీ ‘మేడ్ ఈజీ’ అయిపోయాయి. రెండు నెలలకు 136 రూపాయల గ్యాస్ సబ్సిడీ వదులుకుంటే చాలు దేశభక్తుడనే ముద్ర పడిపోతుంది. రాందేవ్ బాబా తయారుచేసిన లేహ్యం , బిస్కట్లు తినడం కూడా దేశభక్తే. అంతకన్నా ఇంకా ఈజీ.. ఎటిఎం క్యూలో వౌనంగా నిలబడ్డా దేశభక్తే. ఉరికంబాన్ని ముద్దాడడం నుంచి ఎటిఎం క్యూ కు ఎంత తేడా బాబాయ్... నిజంగా కాలం మారింది.’’


‘మనుషుల్లో దేన్నయినా సహించవచ్చు.. కానీ దేశభక్తి లేకపోవడం సహించలేను’’
‘‘సరే బాబాయ్.. నేను కూడా మీలా గ్యాస్ సబ్సిడీని త్యాగం చేస్తా కానీ- నాకో గొప్ప దేశభక్తి ఐడియా వచ్చింది మీ అభిప్రాయం చెబితే మోదీకి పంపిస్తాను.’’
‘‘నీలో నేను కోరుకున్న మార్పు ఇదే.. చెప్పు చెప్పు..’’
‘‘ 70 ఏళ్లలో ఈ దేశానికి ఎవరూ ఏమీ చేయలేదని ప్రస్తుత పాలకులే చెబుతున్నారు. మీరూ అది నిజమేనని అంటున్నారు. మీరు జీవిత కాలమంతా ఉద్యోగంలో అధికారం వెలగబెట్టారు. గతంలో అంటే- రిటైర్ అయిన కొద్దికాలానికి మరణించేవారు. ఇప్పుడు ఉద్యోగ జీవిత కాలం ఎంతో, రిటైర్‌మెంట్ అనంతర జీవిత కాలం కూడా అంతే ఉంటోంది. ఉద్యోగంలో ఉన్నపుడు జీతం కన్నా- రిటైర్‌మెంట్ తరువాత మీకు వచ్చే పెన్షన్ డబ్బు ఎక్కువగా ఉంటోంది. ఈ దేశంలో కోట్లాది మంది అన్నదాతలకు ఎలాంటి పెన్షన్ లేదు. వారెవరికీ లేనిది మీకు అవసరమా? కోట్లాది మందికి సరైన ఆహారమే లేదు. ఇది అన్యాయం కాదా? నిరుపేదలు కట్టే పన్నులతోనే కదా మీ పెన్షన్‌లు చెల్లించేది. గ్యాస్ సబ్సిడీ వదులుకున్నట్టు పెన్షన్ కూడా స్వచ్ఛందంగా వదులుకోవచ్చు కదా? మిమ్ములను చూసి దేశం గర్విస్తుంది. లక్షలాది మంది అనుసరిస్తారు. అరె ఏమైంది? బీపీ పెరిగిపోతోందా? ఏదో సరదాగా అన్నాను’’


‘ప్రాణాలు తీయాలనుకుంటున్నావా? దుర్మార్గుడా! రేపటి నుంచి మార్నింగ్ వాక్‌లో నీలాంటి వాళ్లతో కబుర్లు చెప్పే ప్రసక్తే లేదు. నీ సలహా విని ఎవడైనా ప్రధానమంత్రికి ఓ ఉత్తరం పంపించాడనుకో.. అమ్మో.. ఇంకేమైనా ఉందా? పెన్షన్ లేని జీవితం కలలో కూడా ఊహించలేను. ’’
‘‘సర్లే బాబాయ్.. ఈ వయసులో నీకు బీపీ తెప్పించడం నాకు ఇష్టం లేదు. నా మాటలకే మీకు బీపీ వస్తే, నోట్లదెబ్బకు ఉపాధి పోయి రోడ్డున పడ్డ రోజుకూలీల మాటేంటి? ఒక వ్యక్తి బ్రహ్మచారిగా ఉండాలనుకుంటే అతనిష్టం. విడాకులు తీసుకోవాలనుకుంటే అది దంపతుల సమస్య, రెండు కుటుంబాల సమస్య. కోట్లాది మంది ప్రజల జీవితాలపై ప్రభావం చూపే కీలక నిర్ణయం తీసుకునే ముందు ఒకటికి పది సార్లు ఆలోచించాలని మాత్రమే చెప్పదలుచుకున్నా.

కాపురం చితికిపోతే ఆలుమగలిద్దరూ బాధపడతారు. దేశం చితికిపోతే కోట్లాది మంది రోడ్డున పడతారు...’’

జనాంతికం - బుద్దా మురళి (2.12.2016)

25, నవంబర్ 2016, శుక్రవారం

లోబడ్జెట్ పెళ్లి..!



‘‘కెవ్వు.. ఎవడ్రా నువ్వు.. నా చెయ్యి పట్టుకున్నావ్.. ‘షీ టీమ్’ను పిలిచానంటే నీ తాట తీస్తారు.. పిచ్చి సన్నాసీ’’
‘‘చెంప ఛెల్లుమనిపించావేంటి డార్లింగ్? పెళ్లయ్యాక ఎలాగూ తప్పదు. నేను విఘ్నేష్‌ను.. ఇదిగో నా ఐడెండిటీ కార్డు. బ్యాంకులో టోకెన్ సంపాదించే సరికి ఇలా మారిపోయాను. మన పెళ్లికి విఘ్నాలన్నీ తొలగిపోయినట్టే. ఒకే కానె్వంట్, ఒకే కాలేజీ, ఒకే కంపెనీలో ఉద్యోగం, ఇప్పుడు ఒకే ఇంటి వారమవుతున్నాం. ఎన్ని ఇబ్బందులు ఉన్నా మనం ఒకటవుతున్నందుకు చాలా థ్రిల్లింగ్‌గా ఉంది డార్లింగ్’’
‘‘సారీ డియర్.. చెరిగిపోయిన జుట్టు, చిరిగి పోయిన షర్టు చూసి ఎవడో ఏబ్రాసి వెధవ చేయి పట్టుకున్నాడనుకున్నాను.’’
‘‘పర్లేదు... ఇక ఆ బ్యాంక్ మేనేజర్‌ని ఒప్పించామంటే మన పెళ్లికి గండాలన్నీ తీరినట్టే’’
‘‘డియర్.. అతివిశ్వాసం మంచిది కాదు. బాగా ప్రిపేర్ కా, ఇక్కడ పరీక్ష తప్పావంటే.. మన పని గోవిందా’’
‘‘ఎంసెట్‌లో టాప్ 100లో నిలిచాను.. నాకు ఈ ఇంటర్వ్యూ ఓ లెక్కనా డియర్’’
‘‘టోకెన్ నంబర్ 205’’
‘‘ ఆధార్ కార్డులో ముఖానికి, బ్యాంకు అకౌంట్‌లో ఉన్న ఫొటోకు, ఇపుడు మాకు ఎదురుగా కనిపిస్తున్న నీకు.. అస్సలు సంబంధం కనిపించడం లేదు. నువ్వేనా..? నిజం చెప్పు’’
‘‘దేశంలో 120 కోట్ల మందిలో ఏ ఒక్కరికీ ఆధార్‌కు, అసలు ముఖానికి సంబంధం ఉండదు సార్! తొక్కిసలాటలో ముఖం ఇలా అయింది’’
‘‘సర్లే.. చూస్తుంటే పనీ పాటా లేకుండా తిరిగే పోకిరిలా ఉన్నావ్! నీకు పిల్లనిచ్చే వాళ్లు కూడా ఉన్నారా? ’’
‘‘ఇన్ఫోసిస్‌లో పని చేస్తున్నాను సార్! రాణీ ఒకసారి ఇటురా! ఇదిగో సార్ అమ్మాయి. రాణి కూడా ఇన్ఫోసిస్‌లోనే పని చేస్తోంది..’’
‘‘ఏమ్మా.. ఇంత చక్కగా ఉన్నావ్! మీ వాళ్లకు ఇంతకు మించి మంచి సంబంధం కనిపించలేదా? ’’
‘‘మాది లౌ కమ్ అరేంజ్‌డ్ మ్యారేజీ సార్’’
‘‘సర్లే.. నువ్వు ఎలా చస్తే నాకేంటి కానీ.. నీ పెళ్లికి రెండున్నల లక్షల బ్యాంకు రిలీజ్ చేయాలంటే నేనడిగే ప్రశ్నలకు సూటిగా సమాధానం చెప్పాలి’’
‘‘అడగండి సార్.. పూర్తిగా ప్రిపేర్ అయ్యాను.’’
‘‘ఎలా.. అబద్ధం చెప్పాలనా? నిజం చెప్పాలంటే ప్రిపేర్ అవసరం లేదు. అబద్ధాలకే ప్రీపేర్ కావాలి’’
‘‘కాదు సార్.. పెళ్లికి సంబంధించి మంత్రాలతో సహా ప్రతి ఒక్కటీ ప్రిపేర్ అయ్యాను. నారాయణ కార్పొరేట్ కాలేజీలో ఇంటర్ చదివాను. ఏదైనా బట్టీ పట్టడం బాగా అలవాటైంది.’’
‘‘ ఏడ్చినట్టే ఉంది. నీ తెలివి. సర్లే కానీ ఈ రెండున్నర లక్షలతో ఏమేం చేస్తావో లెక్క చెప్పు’’
‘‘మంగళసూత్రానికి 15వేలు.. పూలదండలు, విస్తరాకులకు రెండువేలు.. పప్పుచారు, పెరుగు, బుడమకాయ తొక్కు..ఇది సార్ లెక్క’’
‘‘ఏడ్చి తుడుచుకున్నట్టు ఉంది నీ లెక్క. ఇదేం పెళ్లి బోడి పెళ్లి.. వంకాయ, ఆలుగడ్డ కూర లేని పెళ్లి కూడా ఒక పెళ్లేనా? నేనే అమ్మాయి తండ్రినైతే పెళ్లిలో వడ్డించే కూరగాయల జాబితా చూశాక చచ్చినా ఈపెళ్లికి ఒప్పుకోను’’
‘‘ సారీ సార్.. రెండున్నర లక్షల్లోనే ముగించాలి . ఇది లోబడ్జెట్ పెళ్లి సార్. ఇద్దరికీ మంచి సంపాదన. మామూలుగా అయితే బాహుబలి రేంజ్‌లో ఉండేది. నోట్ల రద్దు-50 రోజుల బంద్‌లో పెళ్లి కాబట్టి లోబడ్జెట్‌కు అడ్జస్ట్ కావలసి వస్తోంది’’
‘‘సరే.. నువ్వు కాసేపు పక్క గదిలో ఉండు. అమ్మాయితో నేను విడిగా మాట్లాడాలి’’
‘‘ఏమ్మా.. వీడు తప్ప నీకు ఇంకో శాల్తీ దొరక లేదా? ’’
‘‘మేం చిన్నప్పటి నుంచి ప్రేమించుకున్నాం సార్...తూనీగా తూనీగా పాట టైప్ ప్రేమకథ సార్ మాది. చిన్నప్పటి నుండి ‘బంగారం’ అంటూ వాడు ఎంతో ముద్దుగా పిలిచేవాడు. ఆ మాటకే పడిపోయాను.’’
‘‘వాడే కాదమ్మా.. ప్రతి అడ్డమైన వాడు ‘బంగారం’ అనే పిలుస్తాడు. అదేదో దిక్కుమాలిన సినిమాతో అందరికీ ఆ పదం అలవాటైంది’’
‘‘ఎవరేమన్నా విఘ్నేష్‌నే చేసుకుంటాను’’
‘‘మంచి కోరి పెద్దవాడిని చెబుతుంటే.. కాదు గొయ్యిలో పడతాను అంటే ఏం చెప్పగలను? కుందనపు బొమ్మలా చక్కగా ఉన్నావు. నాకు ఆడ పిల్ల ఉంటే అచ్చం ఇలానే ఉండేది. మీ తండ్రే నీ మంచి కోరి కాస్త కఠినంగా చెబితే వినవా? ’’
‘‘సార్.. మీకు ఆడపిల్లలు లేరా? ’’
‘‘లేరు.. ఒకడే మగ పిల్లవాడు. వాడి జీవితం అడవి కాచిన వెనె్నల అవుతుందేమో అని నా భయమమ్మా.. పెళ్లి చేసుకోరా! అంటే చదువు
పూర్తి కావాలన్నాడు. పాతికేళ్లు గడిచిపోయాయి. తర్వాత ఉద్యోగం అన్నాడు. సరే అన్నాను. రెండేళ్లకే మొదటి ఉద్యోగం ఊడింది. ఐటి కంపెనీలో ఉద్యోగం ఏ రోజు ఊడుతుందో? ఏ రోజు ఉంటుందో తెలియదు. కాస్త కుదురుకుని ఒక పొజీషన్‌కు వచ్చే సరికి వాడి వయసు 35కు వచ్చి కూర్చుంది. ‘నాన్నా.. పెళ్లి..’- అని ఇంటికి వెళ్లగానే వాడు అడుగుతుంటే ఈ తండ్రి హృదయం ఎంత విలవిల లాడుతుందో ఆలోచించు తల్లీ.. ఈ రోజుల్లో కనె్న పిల్లగాడు తల్లిదండ్రుల గుండెలమీద కుంపటిలా మారుతున్నాడు. ఇది నా ఒక్కడి బాధ కాదు తల్లీ.. నాలాంటి లక్షలాది మంది తండ్రుల ఆవేదన..’’
‘‘అంకుల్ ... . మీరు పెద్దవారు అలా ఏడవకండి.. గంతకు తగ్గ బొంత ఎక్కడో దొరక్కపోదు’’
‘‘ఆ బొంతవు నువ్వే ఎందుకు కాకూడదు తల్లీ.. సొంత ఇల్లుంది. ఊర్లో పొలం. మా వాడికి మంచి ఉద్యోగం.’’
‘‘సారీ .. నేను విఘ్నేష్‌కు మనసిచ్చాను. ఈ మనసులో ఇంకొకరికి స్థానం లేదు’’
‘‘ అంకుల్ అన్నావంటే ఆ మాట చాలు .. బ్యాంకులో దాచుకున్న ఫిక్స్‌డ్ డిపాజిట్‌కే దిక్కు లేదు. కనిపించని మనసుదేముందమ్మా..? వెనక్కి తీసుకో.. సరే ఎవరికీ చెప్పవద్దు.. నీకో గోల్డెన్ ఛాన్స్. వందనోట్ల కట్టలు మూడు ఇస్తాను. అంటే వంద రూపాయల నోట్లు మూడు వందలు ఇస్తాను. ఒక్క వందనోటు కోసమే జనం తపిస్తున్నారు. అలాంటిది మూడు వందల నోట్లు నీ వద్ద ఉంటే సమాజం నీకు ఇచ్చే గౌరవం ఎలా ఉంటుందో ఒక్కసారి ఆలోచించు’’
‘‘ అంకుల్ . మీరు నన్ను టెమ్ట్ చేస్తున్నారు. ఆలోచించుకొని చెబుతాను’’
‘‘విఘ్నేష్.. ఈ పెళ్లి సంబంధం మా బ్యాంక్‌కు నచ్చలేదు. నీ అప్లికేషన్ రిజెక్ట్ చేస్తున్నాను.’’
‘‘సార్ ఇది అన్యాయం ’’
‘‘ఎక్కువగా మాట్లాడితే రాజా ద్రోహం కేసు పెడతాను .. నేను ఒక సారి రిజెక్ట్ అంటే అంతే ప్రధాన మంత్రి , ఆర్థిక మంత్రి , ఆర్ బి ఐ గవర్నర్ ఈ ముగ్గురి కమిటీకి అప్పీల్ చేసుకో పో’’ 
***
విఘ్నేష్ పెళ్లికి విఘ్నం తొలగుతుందా?  ప్రధాని బృందం అతని అప్పీలును పట్టించు కొంటుందా ? ఆ అమ్మాయి  రాణి మనసు మారుతుందా? నవాబుల కాలంలో శుభకార్యాల ఖర్చులకు ప్రభుత్వ అనుమతి అవసరం ఉండేది. ఈ నిబంధనలను ఆర్‌బిఐ రద్దు చేసుకుంటుందా? ఎవరికీ ఏమీ తెలియదు. కాలమే చెబుతుంది. * 

- బుద్దా మురళి(జనాంతికం - 25. 11. 2016)


11, నవంబర్ 2016, శుక్రవారం

జంబలకిడి పంబ మంచిదే.’’

‘బ్రేకింగ్ న్యూస్.. నీకే ముందు చెబుతున్నా.. మా ఊరి పంచాయితీ వార్డ్ మెంబర్ అమెరికా అధ్యక్షుడిగా ట్రంప్ విజయాన్ని గుర్తిస్తున్నట్టు ఇప్పుడే ప్రకటించాడు. పద్ధతులు మార్చుకుని అందరితో కలిసి పని చేయాలని, అమెరికా అభివృద్ధికి కృషి చేయాలని సూచించాడు’
‘‘ఏడ్చినట్టే ఉంది నీ బ్రేకింగ్ న్యూస్. పంచాయితీ వార్డు మెంబర్ ట్రంప్ గెలుపును గుర్తిస్తే ఎంత ? గుర్తించక పోతే ఎంత?’’
‘‘ఇదే మాట సిఎం అంటే మొదటి పేజీలో రాశారు. మరి ఆయన గుర్తిస్తే ఎంత? గుర్తించక పోతే ఎంత? సిఎం రాష్ట్రానికా? ప్రపంచానికా? ఇదే మాట నేనడిగితే పెద్దవాళ్ల మాటలు నీకెందుకు అంటావు?’’


‘‘ట్రంప్ ఇలా గెలిచేశాడేంటో? మనం ముందుగానే అనుకున్నట్టే మీడియా ప్రభావం తెలుగునాటనే కాదు అమెరికాలోనూ చాలానే ఉందిరా! మీడియా మొత్తం వ్యతిరేకిస్తే ప్రజలు సరిగ్గా దానికి భిన్నంగా తీర్పు చెబుతున్నారు.’’
‘‘ఏం జరిగినా మనం ఊహించినట్టే జరిగిందని చెప్పడం మామూలే కానీ, మోదీ పెద్దనోట్ల రద్దు నిర్ణయం , ట్రంప్ విజయం చూస్తే నీకేమనిపిస్తోంది?’’
‘‘నా అభిప్రాయం కన్నా ప్రముఖ జ్యోతిష్యులను, పండితులను అడిగితే బాగుండేది. జయలలిత మంచాన పడ్డా, కెసిఆర్ తుమ్మినా, చంద్రబాబు మనవడి బారసాల అయినా, చివరకు సోవియట్ రష్యా విచ్ఛిన్నం, జపాన్‌లో భూకంపం.. ప్రపంచంలో ఎక్కడేం జరిగినా- ఇలా జరుగుతుందని మేం ముందే చెప్పాం.. అని చాలా మంది జ్యోతిష్య పండితులు చెప్పుకుంటారు. అలానే తూర్పున సూర్యుడు ఉదయించి పశ్చిమాన అస్తమిస్తున్నందుకు, ఏడాదిలో 365 రోజులు ఉన్నందుకు, ఆదివారం ఎప్పుడూ ‘సండే’ నాడే వస్తున్నందుకు, శుక్రవారం నాడే ‘గుడ్ ఫ్రైడే’ వస్తున్నందుకు, ఆ నక్షత్రం అక్కడ, ఈ నక్షత్రం ఇక్కడ ఉన్నందుకు హిల్లరీ గెలుపు ఖాయం అని జ్యోతిష్యం చెప్పారు. తీరా ఇప్పుడు పండితుల జోస్యం, మీడియా జోస్యం తలకిందులై అమెరికా ఓటర్ల జోస్యం ఫలించి ట్రంప్ గెలిచాడు. తప్పిన జోస్యాల మాట ఎత్తకుండా, ఫలించిన జోస్యాల గురించి చెప్పుకుంటూ తమ మాటలకు తిరుగులేదని ప్రచారం చేసుకునే వారికి గడ్డు కాలమే. గ్రహిస్థితిని బట్టి చూస్తే ఫేస్‌బుక్ లాంటి సామాజిక మాధ్యమాలు జ్యోతిష్యుల పాలిట గండంగా మారాయని స్పష్టంగా తెలుస్తోంది. వాళ్లేం చెప్పారు, ఏం జరిగింది అని వీళ్లు అన్నీ తెరపైకి తీసుకు వస్తున్నారు.’’
‘‘ఇంతకూ వీటిపై నీకేమనిపిస్తోందో చెప్పు?’’

‘నాకైతే జంబలకిడి పంబ సినిమాలో అడవారు మందుకొట్టి పేకాడుతుంటే మగాళ్లు మంగళసూత్రం ధరించి చీరకట్టి ముగ్గులు వేయడం, వింతంతుడి వింత వేషం గుర్తుందా? ’’
‘‘ దానికి, దీనికి సంబంధం ఏమిటి?’’
‘‘లోకధర్మానికి విరుద్ధంగా జరిగేదే- జంబలకిడి పంబ. ఎటిఎంలో మనం వందో,రెండు వందలో డ్రా చేసుకోవాలంటే- మనల్ని ఎవరైనా చూస్తున్నారా? అని సిగ్గుపడే వాళ్లం. జేబులో ఐదు వందలో వెయ్యో ఉంటే గర్వంగా ఫీలయ్యే వాళ్లం. ఒక్క దెబ్బతో సీన్ రివర్స్ అయింది. వెయ్యి నోటు పనికి రాదు, చేతిలో వంద నోటు లేదు. దీంతో హోటల్‌లో టిఫిన్ కూడా చేయలేక ఆకలితో గడిచిపోవడం .. డబ్బు లేనోడు రామ్‌రాజ్ లుంగీతో హీరోలా డ్యాన్స్ చేస్తుంటే, డబ్బున్నోడు ఎలా డిపాజిట్ చేయాలో తెలియక బిపి పెరిగి మంచాన పడుతుంటే లైవ్‌లో జంబలకిడి పంబ చూస్తున్నట్టుగా ఉంది. రెండు గంటల సినిమా కన్నా రోజుల తరబడి నడిచే ఈ లైవ్ సినిమా బాగుంది. హిల్లరీ తప్పక గెలుస్తుందని అమెరికా మీడియాను మించిపోయి- తెలుగు మీడియా హడావుడి చేస్తే తీరా ట్రంప్ సూపర్ మ్యాన్‌లా ఆకాశమంత ఎత్తులో కనిపిస్తుంటే మీడియా బిక్క చచ్చిపోవడం చూస్తుంటే అంతా రివర్స్‌లో అవుతోందని ఆ సినిమా గుర్తుకొచ్చింది.’’
‘‘ హిల్లరీ ఎందుకు ఓడిపోయిందంటావ్?’’
‘‘ ఇక్కడున్న మనకు మీడియా వార్తలే ఆధారం. బహుశా మనలానే ఆమె కూడా మీడియా మేనేజ్‌మెంట్‌పైనే ఎక్కువ దృష్టి పెట్టినట్టు ఉంది? ట్రంప్ మీడియాను పట్టించుకోకుండా అమెరికా ప్రజలను నమ్ముకుని గెలిచేశాడు.’’
‘‘ఇప్పుడు ట్రంప్ మీడియా సంగతి చూస్తాడా? ’’
‘‘అమెరికా- ప్రపంచానికి పెద్దన్న, అలాంటి దేశానికి ఎన్నికైన వాడు ఇలాంటివి అస్సలు పట్టించుకోడు. నా ప్రెస్ కాన్ఫరెన్స్‌కు రావద్దు, నీ సంగతి తేలుస్తా.. అంటూ సిల్లీగా మన నేతల్లా ఆలోచించే పదవి కాదు అమెరికా అధ్యక్షుడు అంటే. ’’


‘‘మన వాళ్లను ట్రంప్ అమెరికా నుంచి తిరిగి పంపించేస్తాడేమో! ఐనా మనం లేకపోతే అమెరికా కుప్పకూలిపోతుంది? ఆ సాహసం చేస్తాడా? ’’
‘‘ నా కోడి కూయకపోతే తెల్లవారదని అనుకుందట వెనకటికి నీలాంటి ముసలవ్వ. మనవాళ్లేదో అమెరికాను ఆదుకోవడానికి అక్కడికి వెళ్లలేదు. ఇక్కడి కన్నా అక్కడ బతుకు తెరువు బాగుంటుందని డాలర్ల సంపాదనకు వెళతారు. రైల్వే స్టేషన్‌లో ఒక కూలీ కాక పోతే ఇంకో కూలీని మాట్లాడుకుంటాం.. ఇదే అంతే. అంత ఉన్నత స్థాయిలో ఉన్న వాళ్లు ఉన్నత స్థాయిలోనే ఆలోచిస్తారు. వాళ్ల సమస్యల పరిష్కారం వాళ్లకు ముఖ్యం కానీ, మన కూలీలను ఉంచాలా? పంపించాలా? అని కాదు.’’
‘‘జేబులో ఏమైనా ఉందా? టిఫిన్ చేసొద్దాం’’
‘‘జేబులో ఏం లేకపోయినా పలుకుబడి ఉంది. మన వీధి టిఫిన్ సెంటర్‌లో అరువు ఉంటుంది లే! వాడి వద్ద ప్లాస్టిక్ కార్డుల సౌకర్యం లేకపోయినా మనిషిని నమ్మే బుద్ధి ఉంది. ఎంత పెద్ద తుఫాన్ వచ్చినా పెద్ద చెట్లు కూలిపోతాయేమో కానీ చిన్న మొక్కలు తాత్కాలికంగా తల వంచి అలానే నిలుస్తాయి. ‘హెరిటేజ్’ అమ్ముడు పోయింది కానీ ఇంటింటికి తిరిగి పాలు పోసే వాడు, కూరగాయలు అమ్మేవాడు అక్కడే ఉన్నారు. ఫరవాలేదు సార్ డబ్బులు వచ్చాక ఇవ్వండి అని మనం అడగక ముందే కిరాణా షాపు వాడు భరోసా ఇస్తే, వాడి నమ్మకం చూసి జేబులోని వెయ్యి నోటుతో చెంప మీద కొట్టినట్టు అనిపించింది. జీవితంలో అప్పుడప్పుడు ఇలా బలమైన దెబ్బలు తగిలితేనే మనం నేలపై ఉంటాం. జంబలకిడి పంబ కూడా ఒకందుకు మంచిదే.’’

‘రాష్టప్రతి పాలన, రాష్ట్ర విభజన, పెద్దనోట్ల రద్దు ఇవన్నీ చూసిన తరం మాదేనని పిల్లలకు రేపు కథలు కథలుగా చెప్పుకోగలిగిన తరం మనదే అవుతుంది. ఇదీ మంచిదే.. ’’ *

జనాంతికం - బుద్దా మురళి(11.11.2016)


‘జంబలకిడి పంబ’.. మంచిదే!

‘బ్రేకింగ్ న్యూస్.. నీకే ముందు చెబుతున్నా.. మా ఊరి పంచాయితీ వార్డ్ మెంబర్ అమెరికా అధ్యక్షుడిగా ట్రంప్ విజయాన్ని గుర్తిస్తున్నట్టు ఇప్పుడే ప్రకటించాడు. పద్ధతులు మార్చుకుని అందరితో కలిసి పని చేయాలని, అమెరికా అభివృద్ధికి కృషి చేయాలని సూచించాడు’
‘‘ఏడ్చినట్టే ఉంది నీ బ్రేకింగ్ న్యూస్. పంచాయితీ వార్డు మెంబర్ ట్రంప్ గెలుపును గుర్తిస్తే ఎంత ? గుర్తించక పోతే ఎంత?’’
‘‘ఇదే మాట సిఎం అంటే మొదటి పేజీలో రాశారు. మరి ఆయన గుర్తిస్తే ఎంత? గుర్తించక పోతే ఎంత? సిఎం రాష్ట్రానికా? ప్రపంచానికా? ఇదే మాట నేనడిగితే పెద్దవాళ్ల మాటలు నీకెందుకు అంటావు?’’


‘‘ట్రంప్ ఇలా గెలిచేశాడేంటో? మనం ముందుగానే అనుకున్నట్టే మీడియా ప్రభావం తెలుగునాటనే కాదు అమెరికాలోనూ చాలానే ఉందిరా! మీడియా మొత్తం వ్యతిరేకిస్తే ప్రజలు సరిగ్గా దానికి భిన్నంగా తీర్పు చెబుతున్నారు.’’
‘‘ఏం జరిగినా మనం ఊహించినట్టే జరిగిందని చెప్పడం మామూలే కానీ, మోదీ పెద్దనోట్ల రద్దు నిర్ణయం , ట్రంప్ విజయం చూస్తే నీకేమనిపిస్తోంది?’’
‘‘నా అభిప్రాయం కన్నా ప్రముఖ జ్యోతిష్యులను, పండితులను అడిగితే బాగుండేది. జయలలిత మంచాన పడ్డా, కెసిఆర్ తుమ్మినా, చంద్రబాబు మనవడి బారసాల అయినా, చివరకు సోవియట్ రష్యా విచ్ఛిన్నం, జపాన్‌లో భూకంపం.. ప్రపంచంలో ఎక్కడేం జరిగినా- ఇలా జరుగుతుందని మేం ముందే చెప్పాం.. అని చాలా మంది జ్యోతిష్య పండితులు చెప్పుకుంటారు. అలానే తూర్పున సూర్యుడు ఉదయించి పశ్చిమాన అస్తమిస్తున్నందుకు, ఏడాదిలో 365 రోజులు ఉన్నందుకు, ఆదివారం ఎప్పుడూ ‘సండే’ నాడే వస్తున్నందుకు, శుక్రవారం నాడే ‘గుడ్ ఫ్రైడే’ వస్తున్నందుకు, ఆ నక్షత్రం అక్కడ, ఈ నక్షత్రం ఇక్కడ ఉన్నందుకు హిల్లరీ గెలుపు ఖాయం అని జ్యోతిష్యం చెప్పారు. తీరా ఇప్పుడు పండితుల జోస్యం, మీడియా జోస్యం తలకిందులై అమెరికా ఓటర్ల జోస్యం ఫలించి ట్రంప్ గెలిచాడు. తప్పిన జోస్యాల మాట ఎత్తకుండా, ఫలించిన జోస్యాల గురించి చెప్పుకుంటూ తమ మాటలకు తిరుగులేదని ప్రచారం చేసుకునే వారికి గడ్డు కాలమే. గ్రహిస్థితిని బట్టి చూస్తే ఫేస్‌బుక్ లాంటి సామాజిక మాధ్యమాలు జ్యోతిష్యుల పాలిట గండంగా మారాయని స్పష్టంగా తెలుస్తోంది. వాళ్లేం చెప్పారు, ఏం జరిగింది అని వీళ్లు అన్నీ తెరపైకి తీసుకు వస్తున్నారు.’’
‘‘ఇంతకూ వీటిపై నీకేమనిపిస్తోందో చెప్పు?’’

‘నాకైతే జంబలకిడి పంబ సినిమాలో అడవారు మందుకొట్టి పేకాడుతుంటే మగాళ్లు మంగళసూత్రం ధరించి చీరకట్టి ముగ్గులు వేయడం, వింతంతుడి వింత వేషం గుర్తుందా? ’’
‘‘ దానికి, దీనికి సంబంధం ఏమిటి?’’
‘‘లోకధర్మానికి విరుద్ధంగా జరిగేదే- జంబలకిడి పంబ. ఎటిఎంలో మనం వందో,రెండు వందలో డ్రా చేసుకోవాలంటే- మనల్ని ఎవరైనా చూస్తున్నారా? అని సిగ్గుపడే వాళ్లం. జేబులో ఐదు వందలో వెయ్యో ఉంటే గర్వంగా ఫీలయ్యే వాళ్లం. ఒక్క దెబ్బతో సీన్ రివర్స్ అయింది. వెయ్యి నోటు పనికి రాదు, చేతిలో వంద నోటు లేదు. దీంతో హోటల్‌లో టిఫిన్ కూడా చేయలేక ఆకలితో గడిచిపోవడం .. డబ్బు లేనోడు రామ్‌రాజ్ లుంగీతో హీరోలా డ్యాన్స్ చేస్తుంటే, డబ్బున్నోడు ఎలా డిపాజిట్ చేయాలో తెలియక బిపి పెరిగి మంచాన పడుతుంటే లైవ్‌లో జంబలకిడి పంబ చూస్తున్నట్టుగా ఉంది. రెండు గంటల సినిమా కన్నా రోజుల తరబడి నడిచే ఈ లైవ్ సినిమా బాగుంది. హిల్లరీ తప్పక గెలుస్తుందని అమెరికా మీడియాను మించిపోయి- తెలుగు మీడియా హడావుడి చేస్తే తీరా ట్రంప్ సూపర్ మ్యాన్‌లా ఆకాశమంత ఎత్తులో కనిపిస్తుంటే మీడియా బిక్క చచ్చిపోవడం చూస్తుంటే అంతా రివర్స్‌లో అవుతోందని ఆ సినిమా గుర్తుకొచ్చింది.’’
‘‘ హిల్లరీ ఎందుకు ఓడిపోయిందంటావ్?’’
‘‘ ఇక్కడున్న మనకు మీడియా వార్తలే ఆధారం. బహుశా మనలానే ఆమె కూడా మీడియా మేనేజ్‌మెంట్‌పైనే ఎక్కువ దృష్టి పెట్టినట్టు ఉంది? ట్రంప్ మీడియాను పట్టించుకోకుండా అమెరికా ప్రజలను నమ్ముకుని గెలిచేశాడు.’’
‘‘ఇప్పుడు ట్రంప్ మీడియా సంగతి చూస్తాడా? ’’
‘‘అమెరికా- ప్రపంచానికి పెద్దన్న, అలాంటి దేశానికి ఎన్నికైన వాడు ఇలాంటివి అస్సలు పట్టించుకోడు. నా ప్రెస్ కాన్ఫరెన్స్‌కు రావద్దు, నీ సంగతి తేలుస్తా.. అంటూ సిల్లీగా మన నేతల్లా ఆలోచించే పదవి కాదు అమెరికా అధ్యక్షుడు అంటే. ’’


‘‘మన వాళ్లను ట్రంప్ అమెరికా నుంచి తిరిగి పంపించేస్తాడేమో! ఐనా మనం లేకపోతే అమెరికా కుప్పకూలిపోతుంది? ఆ సాహసం చేస్తాడా? ’’
‘‘ నా కోడి కూయకపోతే తెల్లవారదని అనుకుందట వెనకటికి నీలాంటి ముసలవ్వ. మనవాళ్లేదో అమెరికాను ఆదుకోవడానికి అక్కడికి వెళ్లలేదు. ఇక్కడి కన్నా అక్కడ బతుకు తెరువు బాగుంటుందని డాలర్ల సంపాదనకు వెళతారు. రైల్వే స్టేషన్‌లో ఒక కూలీ కాక పోతే ఇంకో కూలీని మాట్లాడుకుంటాం.. ఇదే అంతే. అంత ఉన్నత స్థాయిలో ఉన్న వాళ్లు ఉన్నత స్థాయిలోనే ఆలోచిస్తారు. వాళ్ల సమస్యల పరిష్కారం వాళ్లకు ముఖ్యం కానీ, మన కూలీలను ఉంచాలా? పంపించాలా? అని కాదు.’’
‘‘జేబులో ఏమైనా ఉందా? టిఫిన్ చేసొద్దాం’’
‘‘జేబులో ఏం లేకపోయినా పలుకుబడి ఉంది. మన వీధి టిఫిన్ సెంటర్‌లో అరువు ఉంటుంది లే! వాడి వద్ద ప్లాస్టిక్ కార్డుల సౌకర్యం లేకపోయినా మనిషిని నమ్మే బుద్ధి ఉంది. ఎంత పెద్ద తుఫాన్ వచ్చినా పెద్ద చెట్లు కూలిపోతాయేమో కానీ చిన్న మొక్కలు తాత్కాలికంగా తల వంచి అలానే నిలుస్తాయి. ‘హెరిటేజ్’ అమ్ముడు పోయింది కానీ ఇంటింటికి తిరిగి పాలు పోసే వాడు, కూరగాయలు అమ్మేవాడు అక్కడే ఉన్నారు. ఫరవాలేదు సార్ డబ్బులు వచ్చాక ఇవ్వండి అని మనం అడగక ముందే కిరాణా షాపు వాడు భరోసా ఇస్తే, వాడి నమ్మకం చూసి జేబులోని వెయ్యి నోటుతో చెంప మీద కొట్టినట్టు అనిపించింది. జీవితంలో అప్పుడప్పుడు ఇలా బలమైన దెబ్బలు తగిలితేనే మనం నేలపై ఉంటాం. జంబలకిడి పంబ కూడా ఒకందుకు మంచిదే.’’

‘రాష్టప్రతి పాలన, రాష్ట్ర విభజన, పెద్దనోట్ల రద్దు ఇవన్నీ చూసిన తరం మాదేనని పిల్లలకు రేపు కథలు కథలుగా చెప్పుకోగలిగిన తరం మనదే అవుతుంది. ఇదీ మంచిదే.. ’’ *

జనాంతికం - బుద్దా మురళి(11.11.2016)


‘జంబలకిడి పంబ’.. మంచిదే!

‘బ్రేకింగ్ న్యూస్.. నీకే ముందు చెబుతున్నా.. మా ఊరి పంచాయితీ వార్డ్ మెంబర్ అమెరికా అధ్యక్షుడిగా ట్రంప్ విజయాన్ని గుర్తిస్తున్నట్టు ఇప్పుడే ప్రకటించాడు. పద్ధతులు మార్చుకుని అందరితో కలిసి పని చేయాలని, అమెరికా అభివృద్ధికి కృషి చేయాలని సూచించాడు’
‘‘ఏడ్చినట్టే ఉంది నీ బ్రేకింగ్ న్యూస్. పంచాయితీ వార్డు మెంబర్ ట్రంప్ గెలుపును గుర్తిస్తే ఎంత ? గుర్తించక పోతే ఎంత?’’
‘‘ఇదే మాట సిఎం అంటే మొదటి పేజీలో రాశారు. మరి ఆయన గుర్తిస్తే ఎంత? గుర్తించక పోతే ఎంత? సిఎం రాష్ట్రానికా? ప్రపంచానికా? ఇదే మాట నేనడిగితే పెద్దవాళ్ల మాటలు నీకెందుకు అంటావు?’’


‘‘ట్రంప్ ఇలా గెలిచేశాడేంటో? మనం ముందుగానే అనుకున్నట్టే మీడియా ప్రభావం తెలుగునాటనే కాదు అమెరికాలోనూ చాలానే ఉందిరా! మీడియా మొత్తం వ్యతిరేకిస్తే ప్రజలు సరిగ్గా దానికి భిన్నంగా తీర్పు చెబుతున్నారు.’’
‘‘ఏం జరిగినా మనం ఊహించినట్టే జరిగిందని చెప్పడం మామూలే కానీ, మోదీ పెద్దనోట్ల రద్దు నిర్ణయం , ట్రంప్ విజయం చూస్తే నీకేమనిపిస్తోంది?’’
‘‘నా అభిప్రాయం కన్నా ప్రముఖ జ్యోతిష్యులను, పండితులను అడిగితే బాగుండేది. జయలలిత మంచాన పడ్డా, కెసిఆర్ తుమ్మినా, చంద్రబాబు మనవడి బారసాల అయినా, చివరకు సోవియట్ రష్యా విచ్ఛిన్నం, జపాన్‌లో భూకంపం.. ప్రపంచంలో ఎక్కడేం జరిగినా- ఇలా జరుగుతుందని మేం ముందే చెప్పాం.. అని చాలా మంది జ్యోతిష్య పండితులు చెప్పుకుంటారు. అలానే తూర్పున సూర్యుడు ఉదయించి పశ్చిమాన అస్తమిస్తున్నందుకు, ఏడాదిలో 365 రోజులు ఉన్నందుకు, ఆదివారం ఎప్పుడూ ‘సండే’ నాడే వస్తున్నందుకు, శుక్రవారం నాడే ‘గుడ్ ఫ్రైడే’ వస్తున్నందుకు, ఆ నక్షత్రం అక్కడ, ఈ నక్షత్రం ఇక్కడ ఉన్నందుకు హిల్లరీ గెలుపు ఖాయం అని జ్యోతిష్యం చెప్పారు. తీరా ఇప్పుడు పండితుల జోస్యం, మీడియా జోస్యం తలకిందులై అమెరికా ఓటర్ల జోస్యం ఫలించి ట్రంప్ గెలిచాడు. తప్పిన జోస్యాల మాట ఎత్తకుండా, ఫలించిన జోస్యాల గురించి చెప్పుకుంటూ తమ మాటలకు తిరుగులేదని ప్రచారం చేసుకునే వారికి గడ్డు కాలమే. గ్రహిస్థితిని బట్టి చూస్తే ఫేస్‌బుక్ లాంటి సామాజిక మాధ్యమాలు జ్యోతిష్యుల పాలిట గండంగా మారాయని స్పష్టంగా తెలుస్తోంది. వాళ్లేం చెప్పారు, ఏం జరిగింది అని వీళ్లు అన్నీ తెరపైకి తీసుకు వస్తున్నారు.’’
‘‘ఇంతకూ వీటిపై నీకేమనిపిస్తోందో చెప్పు?’’

‘నాకైతే జంబలకిడి పంబ సినిమాలో అడవారు మందుకొట్టి పేకాడుతుంటే మగాళ్లు మంగళసూత్రం ధరించి చీరకట్టి ముగ్గులు వేయడం, వింతంతుడి వింత వేషం గుర్తుందా? ’’
‘‘ దానికి, దీనికి సంబంధం ఏమిటి?’’
‘‘లోకధర్మానికి విరుద్ధంగా జరిగేదే- జంబలకిడి పంబ. ఎటిఎంలో మనం వందో,రెండు వందలో డ్రా చేసుకోవాలంటే- మనల్ని ఎవరైనా చూస్తున్నారా? అని సిగ్గుపడే వాళ్లం. జేబులో ఐదు వందలో వెయ్యో ఉంటే గర్వంగా ఫీలయ్యే వాళ్లం. ఒక్క దెబ్బతో సీన్ రివర్స్ అయింది. వెయ్యి నోటు పనికి రాదు, చేతిలో వంద నోటు లేదు. దీంతో హోటల్‌లో టిఫిన్ కూడా చేయలేక ఆకలితో గడిచిపోవడం .. డబ్బు లేనోడు రామ్‌రాజ్ లుంగీతో హీరోలా డ్యాన్స్ చేస్తుంటే, డబ్బున్నోడు ఎలా డిపాజిట్ చేయాలో తెలియక బిపి పెరిగి మంచాన పడుతుంటే లైవ్‌లో జంబలకిడి పంబ చూస్తున్నట్టుగా ఉంది. రెండు గంటల సినిమా కన్నా రోజుల తరబడి నడిచే ఈ లైవ్ సినిమా బాగుంది. హిల్లరీ తప్పక గెలుస్తుందని అమెరికా మీడియాను మించిపోయి- తెలుగు మీడియా హడావుడి చేస్తే తీరా ట్రంప్ సూపర్ మ్యాన్‌లా ఆకాశమంత ఎత్తులో కనిపిస్తుంటే మీడియా బిక్క చచ్చిపోవడం చూస్తుంటే అంతా రివర్స్‌లో అవుతోందని ఆ సినిమా గుర్తుకొచ్చింది.’’
‘‘ హిల్లరీ ఎందుకు ఓడిపోయిందంటావ్?’’
‘‘ ఇక్కడున్న మనకు మీడియా వార్తలే ఆధారం. బహుశా మనలానే ఆమె కూడా మీడియా మేనేజ్‌మెంట్‌పైనే ఎక్కువ దృష్టి పెట్టినట్టు ఉంది? ట్రంప్ మీడియాను పట్టించుకోకుండా అమెరికా ప్రజలను నమ్ముకుని గెలిచేశాడు.’’
‘‘ఇప్పుడు ట్రంప్ మీడియా సంగతి చూస్తాడా? ’’
‘‘అమెరికా- ప్రపంచానికి పెద్దన్న, అలాంటి దేశానికి ఎన్నికైన వాడు ఇలాంటివి అస్సలు పట్టించుకోడు. నా ప్రెస్ కాన్ఫరెన్స్‌కు రావద్దు, నీ సంగతి తేలుస్తా.. అంటూ సిల్లీగా మన నేతల్లా ఆలోచించే పదవి కాదు అమెరికా అధ్యక్షుడు అంటే. ’’


‘‘మన వాళ్లను ట్రంప్ అమెరికా నుంచి తిరిగి పంపించేస్తాడేమో! ఐనా మనం లేకపోతే అమెరికా కుప్పకూలిపోతుంది? ఆ సాహసం చేస్తాడా? ’’
‘‘ నా కోడి కూయకపోతే తెల్లవారదని అనుకుందట వెనకటికి నీలాంటి ముసలవ్వ. మనవాళ్లేదో అమెరికాను ఆదుకోవడానికి అక్కడికి వెళ్లలేదు. ఇక్కడి కన్నా అక్కడ బతుకు తెరువు బాగుంటుందని డాలర్ల సంపాదనకు వెళతారు. రైల్వే స్టేషన్‌లో ఒక కూలీ కాక పోతే ఇంకో కూలీని మాట్లాడుకుంటాం.. ఇదే అంతే. అంత ఉన్నత స్థాయిలో ఉన్న వాళ్లు ఉన్నత స్థాయిలోనే ఆలోచిస్తారు. వాళ్ల సమస్యల పరిష్కారం వాళ్లకు ముఖ్యం కానీ, మన కూలీలను ఉంచాలా? పంపించాలా? అని కాదు.’’
‘‘జేబులో ఏమైనా ఉందా? టిఫిన్ చేసొద్దాం’’
‘‘జేబులో ఏం లేకపోయినా పలుకుబడి ఉంది. మన వీధి టిఫిన్ సెంటర్‌లో అరువు ఉంటుంది లే! వాడి వద్ద ప్లాస్టిక్ కార్డుల సౌకర్యం లేకపోయినా మనిషిని నమ్మే బుద్ధి ఉంది. ఎంత పెద్ద తుఫాన్ వచ్చినా పెద్ద చెట్లు కూలిపోతాయేమో కానీ చిన్న మొక్కలు తాత్కాలికంగా తల వంచి అలానే నిలుస్తాయి. ‘హెరిటేజ్’ అమ్ముడు పోయింది కానీ ఇంటింటికి తిరిగి పాలు పోసే వాడు, కూరగాయలు అమ్మేవాడు అక్కడే ఉన్నారు. ఫరవాలేదు సార్ డబ్బులు వచ్చాక ఇవ్వండి అని మనం అడగక ముందే కిరాణా షాపు వాడు భరోసా ఇస్తే, వాడి నమ్మకం చూసి జేబులోని వెయ్యి నోటుతో చెంప మీద కొట్టినట్టు అనిపించింది. జీవితంలో అప్పుడప్పుడు ఇలా బలమైన దెబ్బలు తగిలితేనే మనం నేలపై ఉంటాం. జంబలకిడి పంబ కూడా ఒకందుకు మంచిదే.’’

‘రాష్టప్రతి పాలన, రాష్ట్ర విభజన, పెద్దనోట్ల రద్దు ఇవన్నీ చూసిన తరం మాదేనని పిల్లలకు రేపు కథలు కథలుగా చెప్పుకోగలిగిన తరం మనదే అవుతుంది. ఇదీ మంచిదే.. ’’ *

జనాంతికం - బుద్దా మురళి(11.11.2016)


10, నవంబర్ 2016, గురువారం

పార్టీ మార్చిన ప్రజలు

‘‘ఇలా పార్టీలు మార్చడం అన్యాయం..’’
‘‘ఔను.. సుప్రీం కోర్టు కూడా ఇదే మాట చెప్పింది’’
‘‘నేను చెప్పింది అమెరికా గురించి’’
‘‘అక్కడ ఉన్నవే రెండు పార్టీలు. ఎలా మారుతారు?’’
‘‘ నేను చెప్పింది ప్రజల గురించి ’’
‘‘ఏం మాట్లాడుతున్నావ్! ప్రజలు పార్టీలు మార్చడం ఏమిటి? ’’
‘‘చూడోయ్.. నిన్నమొన్నటి వరకు అన్ని సర్వేల్లో అమెరికా అధ్యక్ష బరిలో ఉన్న హిల్లరీ క్లింటన్ దూసుకెళ్లారు కదా? తీరా పోలింగ్ సమీపించే సరికి హిల్లరీ కన్నా ట్రంప్ ఒక్క శాతం ఓట్లతో ముందున్నాడని సర్వేలు తేల్చాయి. అంటే హిల్లరీకే ఓటు వేస్తామని నమ్మబలికిన ప్రజలు పార్టీ మార్చినట్టే కదా?’’
‘‘ఒకే పార్టీ శాశ్వతంగా నచ్చాలని లేదు. ప్రజలు పార్టీ మార్చారు అనకూడదు. అధికార పక్షానికి బుద్ధి చెప్పారు అనాలి’’
‘‘మనం ఎలా అన్నా ప్రజలు ఓటు వేసి గెలిపించి, మళ్లీ వాళ్లను ఓడించడం అంటే పార్టీ మారడమే. ఇంతకూ ట్రంప్ అనూహ్యంగా ఎందుకిలా దూసుకువచ్చాడని నువ్వనుకుంటున్నావ్?’’
‘‘అమెరికా రాజకీయాల్లో అనుభవజ్ఞురాలైన హిల్లరీ ముందు ట్రంప్ టుమ్రీలా వెలవెలబోతాడు అనుకుంటే మీడియా తెచ్చిన మార్పుతో మేరుపర్వతంలా హడలుగొట్టేస్తున్నాడు. ’’
‘‘అమెరికా మీడియా మొత్తం ట్రంప్‌ను ఉతికి ఆరేసింది కదా?’’
‘‘అదే ఆయనకు కలిసొచ్చింది. నాలుగైదు దశాబ్దాల క్రితం ఆయన కన్ను గీటాడు.. అని ఏ మహిళ చెప్పినా నానా హడావుడి చేసి ట్రంప్‌ను రావణాసురుడిగా చిత్రించాలని మీడియా చూస్తే- కష్టాల సుడిగుండంలో చిక్కుకున్న అమెరికాను కాపాడే వీరుడిగా ఓటర్లకు కనిపిస్తున్నాడు. తెలంగాణ, ఆంధ్ర, గుజరాత్.. అక్కడా ఇక్కడా అని కాదు ఇండియా, అమెరికా ఎక్కడైనా మీడియా తీవ్రంగా దాడి చేసినప్పుడు మనుషులు ఒకే రీతిన స్పందిస్తున్నారు. మధ్యంతరంగా గుజరాత్‌లో గాలికి ఊగిపోతున్న ప్రభుత్వాన్ని చేపట్టిన మోదీపై మీడియా దాడి మొదలు పెట్టగానే విజయవంతంగా గుజరాత్‌కు రెండోసారి సిఎం అయ్యారు. అంతర్జాతీయ స్థాయిలో మీడియా దాడి చేయగానే మోడీ ఏకంగా గుజరాత్ అసెంబ్లీ నుంచి పార్లమెంటులోకి ఫ్లై ఓటర్‌పై నుంచి ప్రయాణించినట్టు స్పీడ్‌గా వచ్చి ప్రధాన పీఠం చేరుకున్నారు.’’
‘‘మీడియా కావాలనే చేసిందంటావా?’’
‘‘దెబ్బతీయాలనుకుని మేలు చేసింది. అచ్చం తెలంగాణలో వలెనే. తెలంగాణ ఉద్యమం సమసిపోతుందని కెసిఆర్‌ను టార్గెట్ చేస్తే, తెలంగాణ ప్రజల కల నెరవేర్చే నాయకుడు కెసిఆరే అని ప్రజలు నిర్ణయించుకున్నారు. మీడియా ఒకటి చేయాలనుకుంటే ప్రజలు సరిగ్గా దానికి భిన్నంగా చేశారు. అది తెలంగాణలోనైనా, అమెరికాలోనైనా అంతే.’’
‘‘ట్రంప్ గెలుస్తాడంటావా?’’
‘‘పోటీలో లేడు.. ఓడిపోతాడు.. అని అంతా అనుకున్న నేత కాస్తా బస్తీమే సవాల్ అని తొడ కొడుతున్నాడు అని మాత్రం చెప్పగలను’’
‘‘అయ్యో హిల్లరీ ప్రమాణ స్వీకారానికి కాంచీవరం చీరలు కొని పెట్టుకున్న వాళ్లు ఏం కావాలి?’’
‘‘మళ్లీ అదే అమాయకత్వం.. పట్టు చీర ఎప్పుడూ పట్టు చీరే.. హిల్లరీ గెలిస్తే పట్టుచీరగా కనిపించింది- ట్రంప్ గెలిస్తే నార చీర అవుతుందా?’’
‘‘ అమెరికాలో గాడిద గెలిచినా కంచర గాడిద గెలిచినా మనకొచ్చే నష్టం లేదు. లాభం లేదు’’
‘‘ఐనా అమెరికాలో ఓ పార్టీ గుర్తు ‘గాడిద’ కదా.. చిత్రంగా లేదూ..’’
‘‘ఈసారి అమెరికా ఎన్నికల్లో ఇరువురు పోటీ దారులు దూషణలతో ఎన్నికలను, మున్సిపాలిటీ ఎన్నికల్లా మార్చి గాడిద గుర్తుకు సార్థకత చేకూర్చారు. నాయకులు గాడిదల్లా వ్యవహరిస్తుంటే అలవాటు పడ్డాం, పార్టీ గుర్తులో గాడిద ఉంటే చిత్రంగా అనిపించడమే విచిత్రం’’
‘‘పార్టీలు మారిన వారిపై కోర్టు చర్య తీసుకుంటుందా? స్పీకర్ తీసుకుంటారా? ’’
‘‘తప్పకుండా చర్య ఉంటుంది? వారి పదవీ కాలం ముగిసే రెండు మూడు రోజుల ముందు..’’
‘‘ఈ అన్యాయం ఇలా కొనసాగాల్సిందేనా?’’
‘‘పార్టీ మారడం ఆది, అంతం లేనిది. ఆది మధ్యాంత రహితం. పార్టీ మారడం ఒక్కోసారి మనకు ఒక్కోలా కనిపిస్తుంది. పశువుల్లా ఎమ్మెల్యేలను కొంటున్నారని తిట్టిన నాయకుడే అధికారంలోకి వచ్చాక అదే పని చేస్తాడు.’’
‘‘చట్టాలను మరింత కఠినం చేస్తే?’’
‘‘ చట్టాలు లేనప్పటి నుంచి ఉన్న ఈ ఆచారం చట్టాలతో మటుమాయం కాదు. పార్టీ మారని కాలం ఏదన్నా ఉందా? చెప్పు. అంత పెద్ద మహాభారత యుద్ధంలో సైతం అడుగడుగునా పార్టీ మార్పిడులే కదా? చివరకు యుద్ధానికి అంతా రెడీ అయ్యాక వంద మంది కౌరవుల్లో ఒకడు అప్పటికప్పుడు పార్టీ ఫిరాయించి పాండవుల పక్షం వెళ్లాడు. ఒక పార్టీలో ఉంటూ మరో పార్టీ కోసం పని చేసేవారు మహాభారతంలో లెక్కలేనంత మంది కనిపిస్తారు. రామాయణం కూడా అంతే కదా? నంబర్-2 గా ఎంత కాలం అని ఉంటాననే కదా? విభీషుణుడు సకాలంలో పార్టీ మారి యుద్ధం తరువాత లంకకు నంబర్ వన్ అయింది. ’’
‘‘ఆలోచిస్తే నాకూ అలానే అనిపిస్తుంది. రావణుడికి పది తలలు కదా? అందులో ఒకటి, రెండు తలలు పార్టీ మారితే ఏమయ్యోదో కదా? ’’
‘‘ఈ కాలంలో ఐతే అదే జరిగేది. ఆ కాలంలో పార్టీ మారడం మరీ అంతగా అభివృద్ధి చెందలేదు.’’
‘‘ పార్టీలు మారితేనే భవిష్యత్తు ఉంటుందా? ’’
‘‘అలా అన్ని సార్లు జరుగుతుందని చెప్పలేం. ఇందిరాకాంగ్రెస్ పుట్టినప్పుడు హేమాహేమీలు ఇందిరకు వ్యతిరేకంగా పార్టీ మారారు. వైఎస్‌ఆర్, చంద్రబాబు లాంటి కొత్తవాళ్లు ఇందిరాకాంగ్రెస్‌లో చేరారు. చివరకు హేమా హేమీలు ఇంటికి పోగా, ఇందిరాకాంగ్రెస్ పేరుతో గెలిచిన కుర్ర బ్యాచ్ ఇప్పటికీ ఉభయ రాష్ట్రాల్లో వెలిగిపోతోంది. మోతీలాల్ నెహ్రూ మొదలుకొని ప్రకాశం పంతులు, రోశయ్య, రంగా, చెన్నారెడ్డి, వారూ వీరు అని లేదు. పార్టీ మారని వారు లేరు. వీరిలో ఎన్టీఆర్‌ది మరీ చిత్రం. ఆయన పెట్టిన పార్టీనే వేరొకరు కొట్టేస్తే ఆయన మరో పార్టీ పెట్టుకోవడం ద్వారా పార్టీ మారారు.’’
‘‘పార్టీలు మారని కాలం అసలు వస్తుందా?’’
‘‘తప్పకుండా వస్తుంది?’’
‘‘ఎప్పుడు?’’
‘‘భూలోకం లో జీవ రాశి పూర్తిగా నశించినప్పుడు ’’