20, మార్చి 2013, బుధవారం

రాజువయ్యా! త్యాగరాజువయ్యా!

రాజువయ్యా మహరాజు వయ్యా పాట మంద్రంగా వినిపిస్తోంది. మగపెళ్లి వారు, ఆడ పెళ్లి వారికి ఒకే చోట విడిది ఉంటే ఎంత సందడిగా ఉంటుందో అంత ఉత్సాహంగా ఉంది వాతావరణం. అసెంబ్లీ ఆవరణలోని తెలుగు పార్టీ కార్యాలయంలో తెలుగు నేతకు అభినందన సభ ఏర్పాటు చేశారు. రాజువయ్యా మహరాజు వయ్యా పాట వినిపించడంతో అందరి హృదయాలు కొంత భారంగా, మొత్తం మీద వాతావరణం ఉద్వేగభరితంగా ఉంది. అదే సమయంలో అసెంబ్లీ ఆవరణలోనే ఉన్న ఖద్దరు పార్టీ శాసన సభాపక్షం కార్యాలయంలో తీన్‌మార్ పాటలతో కొందరు గెంతులేస్తున్నారు.

 సూర్యకిరణ్ లోనికి ప్రవేశించగానే జరుూ భవా విజరుూ భవా అంటూ పాట వేశా రు. దుర్యోధనుడిలా బొత్స నడుస్తుంటే కర్ణుడు పట్ట్భాషేకానికి బయలు దేరినట్టు కిరణ్ నడుస్తున్నారు.


ఓడిపోతామేమో అనుకున్న యుద్ధంలో ప్రత్యర్థి ఆయుధాన్ని చేతిలో పెట్టి వెళ్లపోవడంతో కిరణ్‌లో ఆనందానికి అంతు లేకుండా పోయింది. శత్రువును జయించిన వాడు వీరుడు. తనను తాను జయించిన వాడిని మహావీరుడంటారు. మరి శత్రువు తనను తానే ఓడించుకుని విజయమాలనే మెడలో వేస్తే?

 అంతటి ఘన విజయం సాధించడంతో కిరణ్ ఊహల్లో తేలిపోతూ ఖద్దర్ కార్యాలయంలో కుర్చీపై కూర్చున్నారు. అభినందన సభకు హాజరు కావాలని తెలుగు పార్టీ వారిని పిలిస్తే తమ కార్యాలయంలో కూడా సరిగ్గా అదే సమయానికి అభినందన సభ ఉండడం వల్ల రాలేకపోతున్నానని, ప్రతినిధి బృందాన్ని పంపిస్తున్నానని తెలుగునేత సందేశాన్ని పంపించారు. ఇస్తినమ్మ వాయనం పుచ్చుకుంటి వాయనం అన్నట్టు కొందరు సౌహా ద్ర ప్రతినిధులు ఖద్దరు దస్తులతో తెలుగు పార్టీ కార్యాలయంలో అభినందన సభకు హాజరైతే, తెలుగు పార్టీ ప్రతినిధులు ఖద్దరు పార్టీ అభినందన సభకు వెళ్లారు.
***

అధికారపక్ష కిరణుడికి, ప్రతిపక్ష చంద్రుడు చేరువ కావడం 57ఏళ్ల తెలుగు ప్రజాస్వామ్య చరిత్రలో ఇదే తొలిసారి. ఆ అరుదైన దృశ్యాన్ని చూసేందుకు రెండు కళ్లు చాలవని రాజకీయ విశే్లషకులు కళ్లు పెద్దవి చేసుకుని చూడసాగారు. అపురూపమైన ఈ దృశ్యాన్ని తమ కెమెరాల్లో బంధించేందుకు టీవీల వాళ్లు పోటీ పడసాగారు.
***


తెలుగునేత స్వయం కృషితో ఎదిగిన వారు తన అభినందన సభకు తానే ఏర్పాటు చేసుకుంటారు. తన సన్మాన పత్రాన్ని తానే ఖరారు చేస్తారు. తనను తానే పొగుడుకుంటారు. ఆయ న ఎవరినీ నమ్మరు, ఒక్కోసారి తనను తాను కూడా నమ్మరు. అలాంటి మహానాయకునికి అరుదైన సన్మానం జరుగుతోంది.


కవచ కుండలాలను మాత్రమే దానం చేసిన కర్ణున్ని దాన కర్ణుడన్నారు. పావురం అంత బరువు తొడ మాంసాన్ని కోసి డేగకు ఇచ్చిన  శిబి చక్రవర్తిని మహాదాత అన్నారు. మూడవ అడుగు ఎక్కడ పెట్టాలి అని ప్రశ్నిస్తే, తన తలనే చూపిన బలి చక్రవర్తి కీర్తి శాశ్వతంగా నిలిచిపోయింది. ఇంత చిన్న చిన్న త్యాగాలకే వారికి అంతటి గుర్తింపు లభిస్తే, తన ప్రత్యర్థి కోసం పార్టీనే త్యాగం చేసిన మహానేతను ఏమందాం అని వక్తలు అభినందనలతో ముంచెత్తు తున్నారు.
చాలా కాలం తరువాత సంతోషంగా ఉన్న తెలుగునేత ఒకవైపు పొగడ్తలు వింటూనే ఊహల్లో తేలిపోతున్నారు. ఒబామా అమెరికా అధ్యక్షునిగా రంగంలో ఉన్నప్పుడు అతనితో పోటీ పడిన హిల్లరీ క్లింటన్ ఆ తరువాత ఒబామా ప్రభుత్వంలోనే విదేశాంగ మంత్రి అయ్యారు. మన తెలుగు రాజకీయాలను అమెరికా స్థాయికి తీసుకువెళ్తే తప్పేమిటి? ప్రభుత్వం ఎవరిదైనా కావచ్చు. ప్రతిభా వంతులకు ప్రభుత్వంలో చోటు ఉండాలి ఇది తప్పా? అనే ప్రశ్న వినిపించింది. ఆ ప్రశ్న ఎవరైనా వేశారా? తన లో నుంచే వచ్చిందో తెలుగునేతకు అర్ధం కాలే దు.


 కాబట్టి మన నేతకు ఈ శతాబ్దపు త్యాగరాజు అవార్డు ఇవ్వాలని ఒకరు డిమాండ్ చేశా రు. అంతా చప్పట్లు కొట్టి ఆమోదం తెలిపారు.
***


కిరణుడిని ఆకాశానికెత్తుతూ ఒకరి తరువాత ఒకరు మాట్లాడసాగారు. పచ్చ చొక్కా నేత ఒకరు లేచి.. దగ్గరకు వచ్చే వారిని దహించి వేయడం ఆకాశంలోని సూర్యుని లక్షణం. తన వద్దకు వచ్చే శత్రుపక్షం వారిని సైతం అక్కున చేర్చుకుని తనలో కలుపుకొని పోవడం ఈ కిరణుడి లక్షణం. వాలితో ఎవరు యుద్ధం చేసినా వారిలోని సగం బలం వాలిలో కలిసిపోయేదట! కానీ కిరణుడితో యుద్ధం చేయాల్సిన  వారి మొత్తం బలం కిరణుడిలో కలిసిపోయింది. వాలి కన్నా శక్తివంతుడు మన కిరణుడు అంటూ అభినందనలతో ముంచెత్తితే కిరణ్ ముసిముసి నవ్వులతో వినసాగారు. ఎంతో కాలం నుంచి ఖద్దరు ధరించే మా కన్నా మించి పొగడడం మీకు ధర్మం కాదు అని వెనక బెంచిలో ఉన్న అసంతృప్తి వాదులు కొందరు అరిచారు. 

పొగడ్తలు వింటూ కిరణ్ ఫ్లాష్ బ్యాక్‌లోకి వెళ్లారు. స్పీకర్ ఎన్నిక సమయంలో సభా నేత, ప్రతిపక్ష నేత స్పీకర్‌ను చెయిర్ వరకు తోడ్కొని వెళ్లడం ఆనవాయితీ. ఆ గౌరవం దక్కని ఏకైక స్పీకర్ కిరణ్. ప్రతిపక్ష నేత కిరణ్‌తో పాటు స్పీకర్ చెయిర్ వరకు వెళ్లడానికి ససేమిరా అన్నారు. మర్యాద పూర్వకంగా తనతో పదడుగులు వేయడానికే ఇష్టపడలేదని ప్రతిపక్ష నేత పట్ల వ్యతిరేకత పెంచుకున్నాను. కానీ ఇంకా 12  నెలల పాటు నేను సిఎం కుర్చీలో ఎలాంటి ఇబ్బంది లేకుండా కూర్చోవడానికి ఇంత త్యాగం చేస్తాడని కలలో కూడా అనుకోలేదు. థ్యాంక్స్ తెలుగు నేత థ్యాంక్స్ .. నీ మేలు మరిచిపోలేను అని కిరణ్ చెమ్మగిల్లిన కళ్లను తుడుచుకుంటూ మనసులోనే అపద్భాందవునికి కృతజ్ఞతలు చెప్పుకున్నారు. హే భగవాన్  నన్ను ఆదుకోవడానికినువ్వు తెలుగు నేత రూపంలో వచ్చావా? అని దేవున్ని మొక్కుకున్నారు.
****
మిత్రుని సహకారంతో ఆ విధంగా కిరణుడు పూర్తి కాలం రాజ్యాన్ని పాలించి చరితార్థుడు అయ్యారు.

 రాజ నీతి : నీ  పక్కనున్న వాడు  పోటు  పొడవాలని చూస్తే  నీ  అదృష్టం బాగుంటే నీ  ప్రత్యర్ధి నీకు రక్షణ కవచంగా నిలువ వచ్చు .

7 వ్యాఖ్యలు:

  1. ప్రత్యుత్తరాలు
    1. బాలకృష్ణ గారు ధన్యవాదాలు .. మనదేముంది తమ చిత్రవిచిత్ర మైన రాజకీయాలతో ఇలాంటివి రాయడానికి అవకాశం కల్పిస్తున్న నాయకులదే అంతా ..

      తొలగించు
  2. చాలా బాగా చెప్పారు. I hope you don't mind me sharing this article on my website giving credit to you and your site.

    http://www.okacharitra.com/raju-tyagaraju/

    ప్రత్యుత్తరంతొలగించు
  3. at the same time YSRCP lo bail miss inanduku vallu pade bada & package miss inanduku TRS paduthunna badha kuda meedia mitrulu cover cheyyalani vinnapam

    ప్రత్యుత్తరంతొలగించు
    ప్రత్యుత్తరాలు
    1. మిత్రమా మీరు చెప్పిన ఈ మాటలు టిడిపి వాదన.. దిని గురించి గురించి కాస్త వివరంగా చెబుతారా
      trs ప్యాకేజి అన్నారు కేవలం ఆరోపణ కోసమే అయినా ప్యాకేజి కుదరడం వల్ల నే టిడిపి కాంగ్రెస్స్ కు vyatirekangaa votu veyaledu ante oka artham undi .
      ika congress ku vyatirekangaa votu veyadam dwaraa ysr cp ki bail yelaa vastundi. valllu kuda tdp laane votu veyaka pote bail kosam alaa chesharu ante kontha varaku artham undi
      nijaniki ippude yennikalu raavadam yevariki ishtam ledu .. aa bayam anni party la kanna tdp ki yekkuvagaa undi. dantho voting ku duranga undi prabhutvanni rakshinchadam dwaraa ... mundasthu yennikala nunchi tappinchukundi.

      తొలగించు

మీ అభిప్రాయానికి స్వాగతం