25, జనవరి 2012, బుధవారం

ఔను బాలకృష్ణ, చిరంజీవి రియల్ హీరోస్


‘‘నేను మాట్లాడేప్పుడు భారత దేశం మాట్లాడుతుందని అనుకుంటాను, నేడు నడిస్తే భారత దేశం నడుస్తుందనుకుంటాను, నన్ను నేను భారత దేశంగా భావిస్తాను ’’ అని ఏదో సందర్భంలో స్వామి రామానంద తీర్థ తన గురించి తాను చెప్పుకున్నారు. ఆనాటి హైదరాబాద్ రాష్ట్రంలో కాంగ్రెస్‌లో ఎదురులేని నాయకుడు, సన్యాసం స్వీకరించి తన శేష జీవితం అంతా సన్యాసిగానే గడిపారు. ఒక తీవ్రవాది సన్యాసిగా మారితే ఎలా ఉంటుందో,అరవింద్ ఘోష్‌ను చూస్తే తెలుస్తుంది. స్వాతంత్య్ర పోరాట కాలంలో నిప్పులు చెరిగిన తీవ్రవాది, అనంతరం ఒక యోగిగా మారిపోయారు. స్వాతంత్య్రం కోసం ఆయుధం చేపట్టినప్పుడు ఇతనిలో ఒక యోగి ఉన్నాడని ఎవరైనా ఊహించారా? ఎవరో ఎందుకు స్వయంగా ఆయనే ఊహించి ఉండరు. చలం రాతలు చదివిన వారు ఈయన ఏదో ఒక రోజు అరుణాచలం వెళతారని అనుకున్నారా? ఇదంతా దైవలీలనేమో! ఇలాంటి మహనీయుల సంగతి వదిలేస్తే, కొంత మంది గురించి మనం అసలు ఊహించలేం.
బాలకృష్ణను ఒకవైపే చూశారు, రెండో బాలకృష్ణను చూస్తే జడుసుకుంటారు అంటూ సినీనటుడు బాలకృష్ణ పంచ్ డైలాగులు వినిపిస్తున్నారు. రెండో బాలకృష్ణ మాకెందుకు తెలియదు ఆయన ఒక హంతకుడు కదా? అని చిరంజీవి వర్గీయులు చమత్కరిస్తున్నారు. రెండో కోణంలో కూడా బాలకృష్ణలో నిజమైన హీరో కనిపిస్తాడు. సినిమాల్లో హీరోలు గన్ను చేతిలో పట్టుకుని కనిపించిన వారిని పిట్టల్ని కాల్చినట్టు కాల్చేస్తుంటాడు. అలా కాల్చినందుకు ఏ సినిమాలోనూ హీరోపై పోలీసులు కేసు పెట్టరు, విచారణ జరిపించరు. సినిమాల్లోని ఈ దృశ్యాన్ని ఆయన నిజ జీవితంలో సైతం చేసి చూపించారు.

 హీరో బాలయ్య షూటింగ్ ముగించుకుని ఇంటికొచ్చి పుల్లుగా మందు కొట్టారు. కాల్పులు జరిగాయి. ఇద్దరు నెలకొరిగారు. చావు బతుకుల మధ్య ఇద్దరు ఆస్పత్రిలో చేరారు. మరి బాలయ్య పోలీస్ స్టేషన్‌కెళ్లారా? వెళితే ఆయన హీరో ఎలా అవుతారు. కనీసం పోలీస్ స్టేషన్‌కు కూడా వెళ్లకుండా కాంగ్రెస్ బావ, టిడిపి బావ నైతిక మద్దతుతో బావమరిది బాలయ్య హీరోలా బయటపడ్డారు. సినిమాల్లోని సీన్ నిజ జీవితంలో చూపించిన వ్యక్తి హీరో కాకుంటే మరేమవుతారు. విమానాలు, ఓడలను మాయం చేసే బర్ముడా ట్రయాంగిల్ మాయాజాలం కొంత వరకైనా అంతు చిక్కిందేమో కానీ బాలకృష్ణ ఇంట్లో ఆ రాత్రి తూటలు ఆకాశం నుండి ఎలా వచ్చి పడ్డాయో ఇప్పటికీ అర్ధం కాలేదు. ఎంత హిచ్ కాక్ సినిమా అయినా ముగింపులో సస్పెన్స్ తేలిపోతుంది. ఆ తూటాల సస్పెన్స్ ఇంకా అలానే ఉందంటే బాలయ్య నిజ జీవితంలోనూ హీరోనే కదా? 

అలాంటి హీరోను పట్టుకుని పసి పిల్లాడు అంటే కోపం రాదా? అందుకే నా అంతటి వాడిని నేను నన్ను పసి పిల్లాడివంటారా? రెండో బాలయ్యను చూపిస్తానని సవాల్ విసిరారు. చండ శాసనుడని అంతా భయపడే తండ్రి ముందే వెన్ను పోటు సమయంలో మాతో పెట్టుకోకు అని పోస్టర్లు ప్రదర్శించిన ధైర్యం ఆయనది. సోదరి ఇంటి ముందు తొడగొట్టిన ధైర్య శాలి.
మహాభారత యుద్ధాన్ని నడిపించిన శ్రీకృష్ణుడు, గోపికలతో సరసాలాడిన శ్రీకృష్ణుడు, అలకమానవే అంటూ సత్యభామ కాళ్లు పట్టుకున్న శ్రీకృష్ణుడు ఒక్కరే. ఆయన దేవుడు కాబట్టి శ్రీకృష్ణ లీలలు అన్నాం. దేవుళ్లే కాదు దేవుడు సృష్టించిన మనుషులు సైతం ఒక్కో సందర్భంలో ఒక్కోలా కనిపిస్తారు. మా ఆయన బుద్ధిమంతుడు అని ముచ్చటపడే ఇల్లాలు ఆయన ఇంట్లో రామయ్య, వీధిలో కృష్ణయ్య అని తెలిసి ఛీ నీ అసలు రూపం ఇదా? అని తిడుతుంది.
మనమేంటో మనకే అర్ధం కానప్పుడు ఎదుటి వాళ్లను అర్ధం చేసుకోడం సాధ్యమా? తత్వవేత్తలంతా నిన్ను నువ్వు తెలుసుకో అనే కదా చెప్పింది. రారా తేల్చుకుందా అనే డైలాగు ఇప్పటి వరకు వీధిరౌడీలకు మాత్రమే హక్కుగా ఉండేది. మన సూపర్ హీరోలు వారి నుండి ఆ హక్కును లాక్కోని తేల్చుకుందా రా అని వీధిన పడ్డారు. సినిమాల్లో హీరోల రెండో రూపం ఇదా అని సినీ అభిమానులు విస్తుపోతున్నారు. స్టాలిన్ అనుకున్న తమ హీరో కాంగ్రెస్ గూటి పక్షి కాగానే మా హీరో రెండో రూపం ఇదా? అని అభిమానులు లోలోనే కుమిలిపోతున్నారు.
***
పౌరాణికం, జానపదం, సాంఘికం అదీ ఇదీ అని కాదు. బహుశా ప్రపంచ సినిమా చరిత్రలో అత్యధిక పాత్రలు నటించిన రికార్డు ఎన్టీరామారావుది. ఆయన దేవుడి పాత్రలతో పాటు రాక్షస పాత్రల్లో సమానంగా మెప్పించారు. అందగాడిగా నటించాడు. కుంటివాడిగా మెప్పించారు. రాముడిగా పూజలందుకున్నాడు, రావణుడిగా వీరవిహారం చేశారు. కర్ణుడిలో లీనమయ్యారు, దుర్యోధనుడిగా చెలరేగిపోయారు. చివరకు రాజకీయాల్లోకి వచ్చాక సైతం వివేకానందుడిగా, సన్యాసిగా బహు వేషధారణలో కనిపించారు. ఎన్ని వేషాలనైనా సహిస్తాం కానీ కొత్త పెళ్లి కొడుకు వేశాన్ని ఒప్పుకునేది లేదని కుటుంబ సభ్యులు వెన్ను విరిచారు. ఎన్టీఆర్ తన కుడిభుజం అనుకున్న అల్లుడిలోని రెండో రూపాన్ని ఊహించలేకపోయారు. ఆ విషయాన్ని చివరి రోజుల్లో ఆయనే ప్రకటించారు. విధేయునిగా కనిపించే వాడు అత్యంత వ్యతిరేకిగా కూడా మారగలడు. దీనికి ప్రతి రాజకీయ నాయకుడి జీవితం ఉదాహరణే.

8 కామెంట్‌లు:

  1. బాగుంది :) మరి చిరంజీవి నీ రియల్ హీరో అన్నారు శీర్షిక లో..
    చిరంజీవి గురించి ఏమీ రాయలేదే ఇక్కడ?

    రిప్లయితొలగించండి
  2. ఇప్పుడు రోడ్డున పడి తిట్టుకుంటున్న దానిలో బాలకృష్ణ ఓవర్ యక్షనే ఎక్కువగా ఉందండీ కృష్ణ ప్రియగారు అందుకే చిరంజీవి గురించి తక్కువగానే రాసి , బాలయ్య గురించి ఎక్కువ రాశాను. chiru gatam lo chikkadu, malli rayadaniki dorakkapodu

    రిప్లయితొలగించండి
  3. Balayya Babu gurinchi serious gaa theesukokudadu....


    Chiranjeevi gurinchi anthakante serious gaa aalochincha kudadu....


    nijam gaa HERO ithe.....THANDRI chavu ki kaaranam ina vaalla meeda PAGA theerchukovaali.....kaani vaallake VOODIGAM chesthunnaadu mana BALAYYA.....


    Party nadapa leka....NIMAJJANAM chesukunnaadu mana Chiru......

    veellani...REEL HEROs gaa kudaaa chudatam waste......


    maanchi COMEDY ni pandisthunanaru iddaru AGRA NATULU......

    రిప్లయితొలగించండి
  4. నిజమేనండి VSR garu మన హిరో లు ఇద్దరూ సినిమాల్లో హిరో యిజాన్ని రాజకీయాల్లో కామెడీ నీ పండిస్తున్నారు

    రిప్లయితొలగించండి

మీ అభిప్రాయానికి స్వాగతం